Mateo 24:3

Ang Biblia 2011

Samtang naglingkod siya didto sa Bungtod sa mga Olibo, ang mga tinun-an miduol kaniya nga silasila ra ug miingon, “Tug-ani kami, kanus-a man kini mahitabo ug unsa man ang ilhanan sa imong pag-anhi ug sa pagkatapos sa kapanahonan?”

Cross References

Mateo 13:36

Unya gipalakaw ni Jesus ang katawhan ug misulod siya sa balay. Ug miduol kaniya ang iyang mga tinun-an nga nag-ingon, “Pasabta kami sa sambingay mahitungod sa mga sagbot sa uma.”

Mateo 13:49

Sama unya niana ang mahitabo inigkatapos na sa kapanahonan. Ang mga anghel moabot ug ang mga daotan ilang lainon gikan sa mga matarong.

Mateo 15:12

Unya ang mga tinun-an miduol ug miingon kaniya, “Nasayod ba ikaw nga ang mga Pariseo gisakitan sa ilang pagkadungog sa imong gisulti?”

Mateo 16:27

Kay ang Anak sa Tawo moanhi uban sa iyang mga anghel, diha sa himaya sa iyang Amahan, ug unya gantihan niya ang matag usa sumala sa iyang mga binuhatan.

Mateo 16:28

Sa pagkatinuod, sultihan ko kamo nga sa mga nagbarog karon dinhi, adunay pipila nga dili pa makatilaw sa kamatayon hangtod nga makita nila ang Anak sa Tawo nga moabot diha sa iyang gingharian.”

Mateo 17:19

Unya ang mga tinun-an miduol kang Jesus nga silasila ra ug miingon, “Nganong wala man kami makapagula niini?”

Mateo 21:1

Ug sa dihang duol na sila sa Jerusalem ug miabot na sa Betfage, sa Bungtod sa mga Olibo, si Jesus nagsugo ug duha ka tinun-an

Mateo 24:27

Kay sama nga ang kilat mokilab gikan sa sidlakan ug makita hangtod sa kasadpan, mao usab unya niana ang pag-abot sa Anak sa Tawo.

Mateo 24:30

Unya magpakita diha sa langit ang ilhanan sa Anak sa Tawo ug unya ang tanang kabanayan sa yuta magminatay ug ilang makita ang Anak sa Tawo nga moabot nga sinapwang sa mga panganod sa langit uban sa gahom ug dakong himaya.

Mateo 24:37

Sama sa mga adlaw ni Noe kaniadto, mao usab unya ang pag-abot sa Anak sa Tawo.

Mateo 24:39

apan sila wala masayod hangtod nga miabot ang lunop ug gianod silang tanan, mao usab unya niana ang pag-abot sa Anak sa Tawo.

Mateo 24:43

Apan hibaloi ninyo nga kon ang pangulo sa panimalay nasayod pa unsang taknaa sa kagabhion moabot ang kawatan, magtukaw unta siya ug dili niya itugot nga lungkabon ang iyang balay.

Mateo 28:20

nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.”

Lucas 21:7

Ug sila nangutana kaniya, “Magtutudlo, kanus-a man kini mahitabo, ug unsa man ang ilhanan nga kini mahitabo na?”

Mga Buhat 1:7

Siya miingon kanila, “Dili alang kaninyo ang pagkahibalo sa mga takna o sa mga panahon nga gitakda sa Amahan pinaagi sa iyang kaugalingong pagbuot.

Mga Hebreo 9:26

Kay kon mao pa, kinahanglan unta nga magsublisubli siya sa pag-antos sukad sa pagkatukod sa kalibotan. Apan karon siya nagpakita sa makausa sa kataposan sa kapanahonan aron sa pagpapas sa sala pinaagi sa paghalad sa iyang kaugalingon.