Mateo 23:9

Ang Biblia 2011

Ug kinahanglang walay tawo dinhi sa yuta nga inyong tawgon nga inyong amahan kay kamo adunay usa lamang ka Amahan nga anaa sa langit.

Cross References

2 Mga Hari 13:14

Sa dihang nasakit si Eliseo sa sakit nga iyang kamatyan, si Joas nga hari sa Israel miadto kaniya ug mihilak sa iyang atubangan ug miingon, “Amahan ko! Amahan ko! Ang mga karwahi sa Israel ug ang mga sundalo nga nagkabayo niini!”

2 Mga Hari 2:12

Ug si Eliseo nakakita niini ug siya misinggit, “Akong amahan, akong amahan! Ang mga karwahi sa Israel ug ang mga nagkabayo niini!” Ug siya wala na makakita kaniya. Iyang gikuptan ang iyang kaugalingong mga bisti ug gigisi kini niya sa duha ka bahin.

2 Mga Hari 6:21

Sa pagkakita sa hari sa Israel kanila, miingon siya kang Eliseo, “Akong Amahan, pamatyon ba nako sila? Pamatyon ba nako sila?”

Malaquias 1:6

“Ang usa ka anak nagtahod sa iyang amahan ug ang usa ka sulugoon, sa iyang agalon. Kon ako usa ka amahan, hain man ang akong dungog? Ug kon ako usa ka agalon hain man ang kahadlok kanako? nag-ingon ang Ginoo sa mga panon kaninyo, O mga pari nga nagtamay sa akong ngalan. Kamo nag-ingon, ‘Giunsa namo pagbugalbugal ang imong ngalan?’

Mateo 23:10

Ayaw usab kamo pagpatawag nga mga agalon kay kamo adunay usa lamang ka agalon, ang Cristo.

Mateo 6:32

Kay ang mga Gentil nagtinguha niining tanan ug ang inyong langitnong Amahan nasayod nga kamo nagkinahanglan niining tanan.

Mateo 7:11

Busa, kon kamo, bisan sa inyong pagkadaotan, mahibalo man ganing mohatag ug mga maayong gasa ngadto sa inyong mga anak, unsa pa kaha ang inyong Amahan nga anaa sa langit nga mohatag ug mga maayong butang ngadto sa mga nangayo kaniya!

Mga Buhat 22:1

“Mga kaigsoonan ug mga ginikanan, pamatia ang pangatarungan nga karon akong himoon sa inyong atubangan.”

1 Mga Taga-Corinto 4:15

Kay bisan pa ug pila ka libo ang mag-agak kaninyo diha kang Cristo, dili daghan ang inyong amahan. Kay ako nahimong inyong amahan diha kang Cristo Jesus pinaagi sa Maayong Balita.

2 Mga Taga-Corinto 6:18

Ug ako mahimong inyong amahan, ug kamo mahimong akong mga anak nga lalaki ug mga anak nga babaye, nag-ingon ang Ginoo nga Makagagahom sa Tanan.”

Mga Hebreo 12:9

Dugang pa, aduna kitay yutan-ong mga amahan nga maoy magpanton kanato ug kita nagtahod kanila. Dili ba labaw pa hinuon nga magpailalom kita sa Amahan sa mga espiritu ug mabuhi kita?

1 Juan 3:1

Tan-awa ninyo unsang gugmaha ang gihatag kanato sa Amahan nga kita tawgon nga mga anak sa Dios, ug kita mao. Ang hinungdan ngano nga ang kalibotan wala makaila kanato mao nga kini wala makaila kaniya.