Mateo 23:3

Ang Biblia 2011

Busa buhata ug bantayi ninyo ang tanan nga ilang gisulti kaninyo apan ayaw ninyo sunda ang ilang binuhatan kay sila mosulti apan dili mobuhat.

Cross References

2 Cronicas 30:12

Ang kamot sa Dios miabot usab sa Juda aron sa paghatag kanila ug usa ka kasingkasing sa pagbuhat sa sugo sa hari ug sa mga pangulo pinaagi sa pulong sa Ginoo.

Exodo 18:23

Kon buhaton nimo kini ug ang Dios magsugo kanimo sa ingon, makahimo ikaw sa paglahutay ug kining tanang katawhan usab mamauli nga malinawon sa ilang dapit.”

Mateo 21:30

Ug ang tawo miadto sa ikaduha niyang anak ug gisultihan sa mao gihapon ug kini mitubag kaniya, ‘Moadto ako, Tay.’ Apan wala siya moadto.

Mateo 23:2

“Ang mga eskriba ug ang mga Pariseo manglingkod sa lingkoranan ni Moises.

Mateo 23:4

Nagbugkos sila ug mga bug-at nga palas-anon nga lisod dad-on ug ila kining gisangon sa abaga sa mga tawo apan sila mismo dili buot motandog niini pinaagi sa ilang tudlo.

Mga Buhat 5:29

Apan si Pedro ug ang mga apostoles mitubag nga nag-ingon, “Kinahanglan among tumanon ang Dios kay sa mga tawo.

Roma 13:1

Kinahanglan nga ang matag tawo magpailalom sa mga anaa sa kagamhanan. Kay walay kagahom nga dili gikan sa Dios, ug ang mga anaa karon gipahimutang sa Dios.

Deuteronomio 4:5

Tan-awa, ako nagtudlo kaninyo ug mga lagda ug mga tulumanon sumala sa gisugo kanako sa Ginoo nga akong Dios, aron inyo gayong buhaton didto sa yuta diin maoy inyong sudlan aron sa pagpanag-iya niini.

Deuteronomio 5:27

Duol ug pamatia ang tanan nga isulti sa Ginoo nga atong Dios. Ug isulti kanamo ang tanan nga isulti kanimo sa Ginoo nga atong Dios ug mamati kami ug magbuhat niini.’

2 Timoteo 3:5

nagbaton ug dagway sa pagkadiosnon apan naglimod sa gahom niini. Likayi kini sila.

Tito 1:16

Sila nagpahayag nga nakaila sila sa Dios, apan naglimod kaniya pinaagi sa ilang mga binuhatan. Sila dulumtanan, masinupakon ug dili mapuslan alang sa tanang maayong buhat.