Mateo 22:3

Ang Biblia 2011

Unya gisugo niya ang iyang mga ulipon sa pagtawag sa mga dinapit sa kombira sa kasal apan dili sila buot motambong.

Cross References

Salmo 68:11

Ang Ginoo naghatag sa mando; dako ang panon sa mga nagsangyaw sa balita:

Isaias 30:15

Kay mao kini ang giingon sa Ginoong Dios, ang Balaan sa Israel, “Sa pagpauli ug sa pagpahulay luwason kamo; sa kalinaw ug sa pagsalig anaa ang inyong kusog.” Apan kamo dili buot,

Jeremias 25:4

Wala kamo mamati o mokiling sa inyong mga dalunggan aron sa pagpamati, bisan pa ug ang Ginoo nagpadayon sa pagpadala nganha kaninyo sa tanan niyang mga sulugoon nga propeta

Jeremias 35:15

Ako nagpadala nganha kaninyo sa tanan nakong mga alagad, ang mga propeta, gipadala nako sila sa pag-ingon, ‘Biya kamo karon, ang matag usa kaninyo gikan sa iyang daotang dalan ug usba ang inyong mga binuhatan, ug ayaw pagsunod sa laing mga dios aron sa pag-alagad kanila, ug unya kamo magpuyo sa yuta nga akong gihatag kaninyo ug sa inyong mga katigulangan.’ Apan wala kamo magpakiling sa inyong mga dalunggan o mamati kanako.

Oseas 11:2

Sa dihang nagpunay ako ug tawag kanila, misamot na hinuon sila pagpalayo kanako; sila naghalad ngadto sa mga Baal ug nagsunog ug insenso alang sa mga diosdios.

Oseas 11:7

Ang akong katawhan mahiligon sa pagpalayo gikan kanako, busa sila gitagana alang sa yugo ug walay si bisan kinsa nga makatangtang niini.

Sofonias 1:7

Paghilom sa atubangan sa Ginoong Dios! Kay ang adlaw sa Ginoo ania na; ang Ginoo nag-andam ug usa ka halad ug naggahin sa iyang mga dinapit.

Mateo 21:34

Ug sa nagsingabot na ang tingpamupo, gipaadto niya ang iyang mga ulipon ngadto sa mga saop aron sa pagdawat sa abot niini.

Mateo 23:37

“O Jerusalem, Jerusalem nga nagpatay sa mga propeta ug nagbato sa mga pinadala nganha kanimo! Sa makadaghan gipangandoy nako ang pagtigom unta sa imong mga anak, sama sa himungaan nga nagtigom sa iyang mga piso ilalom sa iyang mga pako, apan nagdumili kamo!

Mateo 3:2

“Paghinulsol kamo, kay ang gingharian sa langit nagkaduol na.”

Mateo 9:15

Ug si Jesus miingon kanila, “Mahimo ba diayng magsubo ang mga dinapit sa kasal samtang ang nabana anaa pa uban kanila? Apan ang mga adlaw moabot nga ang nabana kuhaon na gikan kanila ug unya magpuasa na sila.

Lucas 13:34

O Jerusalem, Jerusalem, nga nagpatay sa mga propeta ug nagbato sa mga sinugo diha kanimo! Makapila nako gipangandoy ang pagtigom sa imong mga anak sama sa himungaan nga nagtigom sa iyang mga piso ilalom sa iyang mga pako, apan nagdumili ka!

Lucas 15:28

Apan nasuko siya ug mibalibad sa pagsulod. Ug ang iyang amahan migula ug mialam-alam kaniya.

Lucas 19:27

Ug mahitungod niining akong mga kaaway nga dili buot nga ako ang maghari kanila, dad-a sila dinhi ug patya sila sa akong atubangan.’ ”

Juan 5:40

apan nagdumili kamo sa pagduol kanako aron unta makabaton kamo ug kinabuhi.

Mga Buhat 13:45

Apan sa pagkakita sa mga Judio sa panon sa katawhan, sila napuno sa kasina ug ilang gisupak ang mga gipanulti ni Pablo, ug gibugalbugalan nila siya.

Roma 10:21

Apan mahitungod kang Israel siya miingon, “Sa tibuok adlaw gituy-od nako ang akong mga kamot ngadto sa katawhan nga masupilon ug masinupakon.”

Mga Hebreo 12:25

Tan-awa nga dili ninyo isalikway siya nga nagsulti. Kay kon wala man gani sila makaikyas sa dihang gisalikway nila siya nga nagpasidaan kanila dinhi sa yuta, labaw pa gayod nga dili kita makaikyas kon kita magsalikway kaniya nga nagpasidaan kanato gikan sa langit.

Mga Hebreo 9:15

Busa siya mao ang tigpataliwala sa usa ka bag-ong kasabotan, aron ang mga gipanawag makadawat sa gisaad nga panulundon nga dayon, kay nahitabo man ang usa ka kamatayon nga nagtubos kanila gikan sa mga kalapasan nga nahimo ilalom sa unang kasabotan.

Gipadayag 22:17

Ang Espiritu ug ang Pangasaw-onon nag-ingon, “Dali ngari.” Ug siya nga namati paingna, “Dali ngari.” Ug ang giuhaw paaria, ang may tinguha paimna nga walay bayad sa tubig sa kinabuhi.

1 Samuel 9:13

Sa pag-abot ninyo sa siyudad, makit-an ninyo siya sa dili pa siya motungas sa habog nga dapit aron mokaon, kay ang katawhan dili mangaon hangtod nga siya moabot tungod kay kinahanglan nga panalanginan niya ang halad. Pagkahuman niana silang mga dinapit mangaon. Busa karon panungas na kamo kay makita dayon ninyo siya.”