Mateo 21:44

Ang Biblia 2011

Ang mahulog sa ibabaw niining batoha mabuak, apan ang mapusdakan niining batoha mapulpog.”]

Cross References

Salmo 2:12

halok sa iyang tiil, aron siya dili masuko ug mangahanaw kamo diha sa dalan; kay ang kapungot niya dali rang mosilaob. Bulahan ang tanan nga modangop diha kaniya.

Salmo 2:9

Dugmokon nimo sila pinaagi sa sungkod nga puthaw, ug pulpogon nimo sila sama sa banga sa magkukulon.”

Isaias 28:13

Busa ang pulong sa Ginoo alang kanila mao ang sugo ibabaw sa sugo, sugo ibabaw sa sugo; lagda ibabaw sa lagda, lagda ibabaw sa lagda, diyotay dinhi, diyutay didto; aron sila mangadto, ug mangahayang, ug mangabali, ug malaang ug madakpan.

Isaias 60:12

Kay ang nasod ug ang gingharian nga dili moalagad kanimo mangalaglag; kadtong mga nasora gun-obon gayod.

Zacarias 12:3

Nianang adlawa himoon nako ang Jerusalem nga usa ka bug-at nga bato alang sa tanang mga katawhan. Ang tanan nga mosakwat niini masamad ug dako, ug ang tanang mga nasod sa yuta magtigom batok kaniya.

Mateo 21:43

Busa sultihan ko kamo nga ang gingharian sa Dios kuhaon gikan kaninyo ug ihatag ngadto sa usa ka nasod nga namunga sa mga bunga niini. [

Mateo 21:45

Ug sa pagkadungog sa mga pangulong pari ug sa mga Pariseo sa iyang mga sambingay, nakasabot sila nga nagsulti siya mahitungod kanila.

Mateo 26:24

Mahitabo gayod sa Anak sa Tawo ang unsay nasulat mahitungod kaniya, apan alaot kadtong tawhana nga magbudhi sa Anak sa Tawo! Maayo pa lang unta alang niadtong tawo nga wala siya matawo.”

Mateo 27:25

Ug ang tanang mga tawo mitubag nga nag-ingon, “Kami ug ang among mga anak maoy manubag sa iyang dugo.”

Lucas 2:34

Unya gipanalanginan sila ni Simeon ug siya miingon kang Maria nga inahan sa bata, “Tan-awa, kining bataa gigahin alang sa kapukanan ug sa pagbangon sa daghang mga tawo sa Israel, ug ingon nga ilhanan nga supakon—

Lucas 20:18

Ang tanan nga mahulog sa ibabaw niining batoha mabungkag, apan si bisan kinsa nga mapusdakan niini, mapulpog siya.”

Juan 19:11

Si Jesus mitubag kaniya, “Wala ka untay kagahom ibabaw kanako kon wala pa ikaw hatagi niini gikan sa kahitas-an, busa ang nagtugyan kanako nganha kanimo dako pa ug sala.”

Roma 9:33

ingon sa nasulat, “Tan-awa, akong gibutang diha sa Zion ang bato nga makapapandol sa mga tawo, usa ka bato nga makapatumba kanila, apan ang mosalig kaniya dili gayod maulawan?”

1 Mga Taga-Tesalonica 2:16

pinaagi sa pagpugong kanamo sa pagsulti ngadto sa mga Gentil aron sila mangaluwas, aron sa kanunay magpuno sa gidaghanon sa ilang mga sala. Apan ang kapungot sa Dios miabot kanila sa kataposan!

1 Pedro 2:8

ug “Usa ka bato nga makapapandol sa mga tawo, ug usa ka dakong bato nga makapukan kanila.” Sila nangapandol tungod sa ilang pagkadili masinugtanon sa pulong, sumala sa gitagana nang daan alang kanila.