Mateo 21:1

Ang Biblia 2011

Ug sa dihang duol na sila sa Jerusalem ug miabot na sa Betfage, sa Bungtod sa mga Olibo, si Jesus nagsugo ug duha ka tinun-an

Cross References

Zacarias 14:4

Nianang adlawa, ang iyang mga tiil motindog diha sa Bukid sa mga Olibo nga anaa atbang sa Jerusalem sa silangan, ug ang Bukid sa mga Olibo mapikas gikan sa silangan ug ngadto sa kasadpan pinaagi sa dako kaayong walog, nga tungod niana ang katunga sa bukid mosibog ngadto sa amihanan ug ang laing katunga ngadto sa habagatan.

Mateo 20:34

Ug uban sa kaluoy gihikap ni Jesus ang ilang mga mata ug dihadiha nakakita sila ug misunod kaniya.

Mateo 21:2

ug giingnan sila, “Lakaw kamo nianang balangay sa atbang ug didto makita dayon ninyo ang usa ka asno nga gihigot, ug ang usa ka nati uban niini. Hubari ninyo sila ug dad-a dinhi kanako.

Mateo 24:3

Samtang naglingkod siya didto sa Bungtod sa mga Olibo, ang mga tinun-an miduol kaniya nga silasila ra ug miingon, “Tug-ani kami, kanus-a man kini mahitabo ug unsa man ang ilhanan sa imong pag-anhi ug sa pagkatapos sa kapanahonan?”

Mateo 26:30

Human sila makaawit ug alawiton, nangadto sila sa Bungtod sa mga Olibo.

Marcos 13:3

Samtang naglingkod siya sa Bungtod sa mga Olibo atbang sa Templo, sa tago nangutana kaniya sila si Pedro ug si Santiago ug si Juan ug si Andres,

Marcos 14:26

Sa nakaawit na sila ug usa ka alawiton, nangadto sila sa Bungtod sa mga Olibo.

Lucas 21:37

Ug sa matag-adlaw nagtudlo siya sulod sa templo, apan sa gabii molakaw siya aron sa pagpahulay diha sa bungtod nga ginganlan ug Olibo.

Lucas 22:39

Unya migula siya ug miadto sa Bungtod sa mga Olibo, sumala sa iyang nabatasan, ug ang mga tinun-an misunod kaniya.

Juan 8:1

apan si Jesus miadto sa Bungtod sa mga Olibo.

Mga Buhat 1:12

Unya namalik sila sa Jerusalem gikan sa bungtod nga ginganlan ug Olibo nga duol sa Jerusalem, nga ang gilay-on sama sa usa ka adlawng igpapahulay nga lakaw.