Mateo 20:21

Ang Biblia 2011

Ug siya miingon sa babaye, “Unsa may imong gitinguha?” Siya mitubag, “Isulti nga kining akong duha ka anak maglingkod sa imong gingharian, ang usa anha sa imong tuo ug ang usa anha sa imong wala.”

Cross References

1 Mga Hari 2:19

Busa si Batseba miadto kang Hari Solomon aron sa pagpakigsulti kaniya alang kang Adonias. Ug ang hari mitindog aron sa pagsugat kang Batseba ug miyukbo kaniya. Unya milingkod siya sa iyang trono, ug gipahimutang ang usa ka lingkoranan nga gidala alang sa inahan sa hari ug siya milingkod dapit sa iyang tuo.

1 Mga Hari 3:5

Didto sa Gibeon, ang Ginoo nagpakita kang Solomon pinaagi sa usa ka damgo sa pagkagabii ug ang Dios miingon, “Pangayoa unsay akong ihatag kanimo.”

Ester 5:3

Ug ang hari misulti kaniya, “Unsa kana, Rayna Ester? Unsa ang imong hangyo? Ihatag kini kanimo, bisan ang katunga sa akong gingharian.”

Salmo 110:1

Ang Ginoo miingon sa akong Ginoo, “Lingkod sa akong tuong kamot, hangtod nga ang imong mga kaaway himoon nakong imong tumbanan.”

Salmo 45:9

ang mga anak nga babaye sa mga hari uban sa pinasidunggang kababayen-an; sa imong tuo nagtindog ang rayna nga gidayandayanan ug bulawan sa Ofir.

Jeremias 45:5

Ug nangita ba ikaw ug mga dagkong butang alang sa imong kaugalingon? Ayaw kini pangitaa, kay tan-awa, nagpadala ako ug kadaotan ibabaw sa tanang unod, nag-ingon ang Ginoo; apan ihatag nako kanimo ang imong kinabuhi ingon nga ganti sa gubat sa tanang dapit nga imong adtoan.”

Mateo 18:1

Niadtong higayona miduol kang Jesus ang mga tinun-an nga nag-ingon, “Kinsa man ang labing dako sa gingharian sa langit?”

Mateo 19:28

Si Jesus miingon kanila, “Sa pagkatinuod, sultihan ko kamo nga sa bag-ong kalibotan, sa diha nga ang Anak sa Tawo molingkod na sa iyang mahimayaong trono, kamo nga nagsunod kanako molingkod usab sa napulo ug duha ka trono ug inyong hukman ang napulo ug duha ka banay sa Israel.

Mateo 20:22

Apan mitubag si Jesus nga nag-ingon, “Wala kamo mahibalo sa inyong gipangayo. Makahimo ba kamo sa pag-inom sa kupa nga akong imnan?” Ug sila mitubag kaniya, “Makahimo kami.”

Mateo 20:32

Ug si Jesus mihunong ug miingon kanila, “Unsa may buot ninyong buhaton nako alang kaninyo?”

Marcos 10:51

Ug si Jesus miingon kaniya, “Unsa may buot nimo nga buhaton nako alang kanimo?” Ug mitubag kaniya ang buta, “Magtutudlo, makakita na unta ako.”

Marcos 16:19

Unya ang Ginoong Jesus, human siya makasulti kanila, gibayaw ngadto sa langit ug milingkod dapit sa tuo sa Dios.

Marcos 6:22

Sa diha nga ang babayeng anak ni Herodias misulod ug misayaw, nakapahimuot siya kang Herodes ug sa iyang mga dinapit ug ang hari miingon sa dalaga, “Pangayo kanako sa bisan unsa nga buot nimo ug ihatag ko kini kanimo.”

Lucas 18:41

“Unsa may buot nimong buhaton nako alang kanimo?” Siya mitubag, “Ginoo, buot unta ako nga makakita pag-usab.”

Lucas 19:11

Ug sa ilang pagkadungog niining mga butanga, si Jesus mipadayon pagsugilon ug usa ka sambingay, tungod kay siya duol na man sa Jerusalem, ug tungod kay ila mang gituohan nga ang gingharian sa Dios mopakita dihadiha.

Lucas 22:24

Ug nahitabo usab ang usa ka panaglalis taliwala nila kon kinsa kanila ang isipon nga maoy labing dako.

Juan 15:7

Kon kamo magpabilin kanako ug ang akong mga pulong magpabilin kaninyo, pangayo kamo ug bisan unsa nga buot ninyo, ug himoon kini alang kaninyo.

Mga Buhat 1:6

Unya sa nagkatigom sila, nangutana sila kaniya, “Ginoo, niini bang panahona nimo ibalik ang gingharian ngadto sa Israel?”

Roma 12:10

Paghigugmaay kamo nga mainiton sa usa ug usa ingon nga mga igsoon, pagpalabwanay kamo sa pagtahod sa usa ug usa.

Roma 8:34

Kinsa man ang mopakanaog sa hukom? Si Cristo Jesus nga namatay apan nabanhaw gikan sa mga patay, nga anaa karon sa tuo sa Dios, nga nangamuyo gayod alang kanato.

Mga Taga-Colosas 3:1

Kon gibanhaw man kamo uban kang Cristo, pangitaa ninyo ang mga butang nga atua sa itaas diin anaa si Cristo, naglingkod sa tuo sa Dios.