Mateo 2:9

Ang Biblia 2011

Sa napaminaw na nila ang hari, nanglakaw sila, ug nakita nila ang bituon nga ilang nakita didto sa Sidlakan, nag-una kanila hangtod nga miabot kini ug mihunong ibabaw sa nahimutangan sa bata.

Cross References

Salmo 25:12

Kinsa ba ang tawo nga may kahadlok sa Ginoo? Kaniya itudlo niya ang dalan nga iyang pilion.

Mga Panultihon 8:17

Ako nahigugma sa mga nahigugma kanako; ug kadtong nagkugi sa pagpangita kanako makakaplag kanako.

Mateo 2:10

Sa pagkakita nila sa bituon, nangalipay gayod sila pag-ayo.

Mateo 2:2

“Hain man ang gipanganak nga hari sa mga Judio? Kay nakita namo ang iyang bituon didto sa Sidlakan ug nanganhi kami aron sa pagsimba kaniya.”

Mateo 2:8

Ug gipaadto niya sila sa Betlehem nga nag-ingon, “Adtoa ug pangitaa ninyo pag-ayo ang bata ug sa dihang makit-an na ninyo siya, balitai ako ninyo aron moadto usab ako sa pagsimba kaniya.”

2 Pedro 1:19

Ug napamatud-an pa gayod ang pulong sa propesiya nga among gibatonan. Maayo nga inyong himoon ang pagtagad niini sama sa usa ka suga nga nagsiga sa ngitngit nga dapit, hangtod magsingabot na ang adlaw ug mosubang ang bituon nga kabugason diha sa inyong mga kasingkasing.