Mateo 2:4

Ang Biblia 2011

Ug sa natigom niya ang tanang pangulong pari ug mga eskriba sa katawhan, nangutana siya kanila kon diin ipanganak ang Cristo.

Cross References

2 Cronicas 34:13

maoy nagdumala sa mga tigdala sa mga bug-at nga butang ug nagdumala sa tanang nagbuhat sa tanang matang sa pagpangalagad. Pipila sa mga Levihanon mga eskriba, ug mga tinugyanan ug mga tigbantay sa ganghaan.

2 Cronicas 34:15

Unya si Hilkias miingon kang Safan nga sekretaryo, “Akong nakit-an ang basahon sa Balaod diha sa balay sa Ginoo.” Ug gihatag ni Hilkias ang basahon ngadto kang Safan.

2 Cronicas 36:14

Ang tanan nga nangulo nga mga pari ug ang katawhan hilabihan ka masupilon, nagsunod sa tanan nga mga dulumtanan sa mga nasod ug ilang gihugawan ang balay sa Ginoo nga iyang gibalaan didto sa Jerusalem.

Esdras 10:5

Unya mitindog si Ezra ug mipapanumpa sa mga nangulo nga mga pari ug sa mga Levihanon ug sa tibuok Israel nga sila magbuhat sumala niining pulonga. Busa sila nanumpa.

Esdras 7:6

kini si Ezra mitungas gikan sa Babilonia. Siya usa ka eskriba nga batid sa Balaod ni Moises nga gihatag sa Ginoo nga Dios sa Israel. Ug ang hari mihatag kaniya sa tanan niyang gipangayo kay ang kamot sa Ginoo nga iyang Dios diha kaniya.

Nehemias 12:7

si Sallu, si Amok, si Hilkias, si Jedaias. Kini sila mao ang mga pangulo sa mga pari ug sa ilang mga kaigsoonan sa mga adlaw ni Jesua.

Salmo 2:2

Ang mga hari sa yuta nagpahiluna sa ilang kaugalingon, ug ang mga nagmando nagkasabot batok sa Ginoo ug sa iyang dinihogan, nga nag-ingon,

Jeremias 8:8

“Unsaon ninyo pag-ingon, ‘Kami mga maalamon, ug ang Balaod sa Ginoo ania kanamo’? Apan ang bakakon nga dagang sa mga eskriba nagbuhat niini nga bakak.

Malaquias 2:7

Kay ang mga ngabil sa pari kinahanglang magbantay sa kahibalo ug ang mga tawo mangita unta ug pagtudlo gikan sa iyang baba kay siya mao ang sinugo sa Ginoo sa mga panon.

Mateo 13:52

Ug siya miingon kanila, “Busa ang matag usa ka eskriba nga natudloan mahitungod sa gingharian sa langit sama sa usa ka pangulo sa panimalay nga magpagula gikan sa iyang mga bahandi sa mga butang nga bag-o ug daan.”

Mateo 2:3

Sa pagkadungog niini ni Herodes nga hari, nahasol siya ug ang tibuok Jerusalem uban kaniya.

Mateo 2:5

Ug sila miingon kaniya, “Sa Betlehem sa Judea, kay mao man kini ang nasulat pinaagi sa propeta:

Mateo 21:15

Apan sa diha nga ang mga pangulong pari ug ang mga eskriba nakakita sa mga kahibulongang butang nga iyang gibuhat ug sa mga kabataan nga nanghugyaw sulod sa Templo nga nag-ingon, “Hosanna, Anak ni David!” sila nangasuko.

Mateo 21:23

Unya sa pagsulod niya sa Templo, ang kadagkoan sa mga pari ug ang mga pangulo sa lungsod miduol kaniya samtang nagtudlo siya ug miingon sila kaniya, “Pinaagi sa unsang kagahom nga gihimo nimo kining mga butanga ug kinsa may naghatag kanimo sa maong kagahom?”

Mateo 26:3

Unya ang mga pangulong pari ug ang mga kadagkoan sa katawhan nagtigom sa balay sa labawng pangulong pari nga ginganlan ug Caifas

Mateo 26:47

Samtang nagsulti pa siya, miabot si Judas, usa sa napulo ug duha, uban sa usa ka dakong panon sa katawhan nga sangkap sa mga espada ug mga puspos. Sila gikan sa mga pangulong pari ug sa mga kadagkoan sa katawhan.

Mateo 27:1

Ug sa pagkabuntag na, ang tanang mga pangulong pari ug ang mga kadagkoan sa katawhan nagkasabot batok kang Jesus aron pahamtangan siya sa kamatayon.

Mateo 7:29

kay nagtudlo man siya kanila ingon nga may kagahom ug dili sama sa ilang mga eskriba.

Marcos 8:31

Unya misugod siya sa pagtudlo nga ang Anak sa Tawo kinahanglang mag-antos sa daghang mga butang ug isalikway siya sa mga pangulo ug sa mga pangulong pari ug sa mga eskriba ug patyon siya ug tapos sa tulo ka adlaw mabanhaw siya.

Lucas 20:19

Unya ang mga eskriba ug mga pangulong pari misulay sa pagdakop kang Jesus niadto gayong tungora, kay nakasabot man sila nga iyang gisugilon ang maong sambingay batok kanila, apan nahadlok sila sa mga tawo.

Lucas 23:10

Unya ang mga pangulong pari ug ang mga eskriba mitindog, mainitong mihimo ug sumbong batok kaniya.

Juan 18:3

Unya sa nakadala na si Judas ug usa ka panon nga mga sundalo ug pipila ka mga tinugyanan sa mga pangulong pari ug sa mga Pariseo, siya miadto didto nga sangkap sa mga parol ug mga sulo ug mga hinagiban.

Juan 3:10

Ug si Jesus mitubag kaniya, “Magtutudlo ikaw sa Israel, wala ba ikaw makasabot niini?

Juan 7:32

Unya ang mga Pariseo nakadungog sa panon sa katawhan nga nagsultihanay sa ingon mahitungod kaniya ug ang mga pangulong pari ug ang mga Pariseo nagpadala ug mga tawo aron sa pagdakop kaniya.

Juan 8:3

Unya ang mga eskriba ug mga Pariseo nagdala ug usa ka babaye nga nasakpan nga nanapaw. Ug ilang gipatindog siya sa taliwala

Mga Buhat 23:9

Unya nahitabo ang dakong kasamok, ug ang ubang mga eskriba sa pundok sa mga Pariseo mitindog ug nakiglalis nga nag-ingon, “Kami walay nakita nga daotan niining tawhana. Unsa man kon espiritu o anghel ang misulti kaniya?”

Mga Buhat 4:5

Sa pagkasunod adlaw, ang ilang mga pangulo ug mga kadagkoan ug mga eskriba natigom didto sa Jerusalem

Mga Buhat 6:12

Ilang gipagubot ang mga tawo ug ang kadagkoan ug ang mga eskriba, ug sila miduol kaniya ug gidakop siya ug gidala ngadto sa atubangan sa Sanhedrin.