Mateo 2:23

Ang Biblia 2011

Ug siya miabot ug mipuyo sa usa ka lungsod nga ginganlan ug Nazaret, aron matuman ang gisulti sa mga propeta nga nag-ingon, “Siya tawgon nga Nazaretnon.”

Cross References

Numeros 6:13

“Kini mao ang balaod alang sa Nazareo sa diha nga mahingpit ang mga adlaw sa iyang pagkaginahin: dad-on siya ngadto sa pultahan sa tolda nga tagboanan.

Mateo 1:22

Kining tanan nahitabo aron matuman ang gisulti sa Ginoo pinaagi sa propeta nga nag-ingon,

Mateo 21:11

Ug ang mga panon sa katawhan miingon, “Mao kini ang propeta nga si Jesus gikan sa Nazaret sa Galilea.”

Mateo 26:71

Ug sa dihang milakaw siya paingon sa agianan dihay laing babayeng sulugoon nga nakakita kaniya ug miingon sa mga tawo nga nagtindog didto, “Kining tawhana kauban ni Jesus nga Nazaretnon.”

Marcos 1:24

Misinggit siya nga nag-ingon, “Unsay imong tuyo kanamo, Jesus nga Nazaretnon? Mianhi ba ikaw aron sa paglaglag kanamo? Nakaila ako kon kinsa ikaw, ang Balaan sa Dios.”

Marcos 1:9

Niadtong mga adlawa miabot si Jesus gikan sa Nazaret sa Galilea ug siya gibautismohan ni Juan didto sa Jordan.

Lucas 1:26

Sa ikaunom nga bulan, ang anghel nga si Gabriel gipadala gikan sa Dios ngadto sa usa ka lungsod sa Galilea nga ginganlan ug Nazaret,

Lucas 18:37

Unya gisuginlan nila siya, “Si Jesus nga Nazaretnon ania miagi.”

Lucas 2:39

Sa nahimo na nila ang tanan sumala sa balaod sa Ginoo, mipauli sila ngadto sa Galilea, sa ilang kaugalingong lungsod sa Nazaret.

Juan 18:5

Sila mitubag kaniya, “Si Jesus nga taga-Nazaret.” Si Jesus miingon kanila, “Ako mao siya.” Si Judas, nga mao ang nagbudhi kaniya, nagtindog uban kanila.

Juan 18:7

Nangutana siya pag-usab kanila, “Kinsa bay inyong gipangita?” Ug sila mitubag, “Si Jesus nga taga-Nazaret.”

Juan 19:19

Ug si Pilato nagsulat usab ug usa ka pahibalo ug gibutang niya kini sa krus. Ang pahibalo nag-ingon, “Si Jesus nga taga-Nazaret, ang Hari sa mga Judio.”

Mga Buhat 2:22

“Mga tawo sa Israel, pamatia ninyo kining mga pulonga: si Jesus nga Nazaretnon, tawo nga gipamatud-an kaninyo sa Dios pinaagi sa gamhanang mga buhat ug mga kahibulongan ug mga ilhanan nga gihimo sa Dios pinaagi kaniya diha kaninyo, sumala sa inyo gayod nga nahibaloan.

Mga Buhat 24:5

Kay among nakita nga kining tawhana samokan, tigpasiugda ug mga kagubot sa tanang mga Judio sa tibuok kalibotan ug pangulo sa pundok sa mga Nazareno.

Mga Maghuhukom 13:5

Kay tan-awa, magsamkon ikaw ug manganak ug usa anak nga lalaki. Ug walay labaha nga modapat sa iyang ulo kay ang bata mahimong usa ka Nazareo ngadto sa Dios gikan sa pagkatawo, ug siya magsugod sa pagluwas sa Israel gikan sa kamot sa mga Filistihanon.”

1 Samuel 1:11

Nagsaad siya ug miingon, “O Ginoo sa mga panon, kon ikaw magsud-ong sa kasakit sa imong ulipon nga babaye ug mahinumdom kanako ug dili kalimtan ang imong ulipon nga babaye, hinuon mohatag sa imong ulipon nga babaye ug usa ka anak nga lalaki, ako maghalad kaniya alang sa Ginoo sa tanang adlaw sa iyang kinabuhi, ug walay labaha nga modapat sa iyang ulo.”