Mateo 2:19

Ang Biblia 2011

Apan sa pagkamatay na ni Herodes, dihay, usa ka anghel sa Ginoo nga mipakita kang Jose didto sa Ehipto pinaagi sa damgo, ug miingon kaniya,

Cross References

Mateo 1:20

Apan samtang naglaraw siya sa pagbuhat niini, dihay usa ka anghel sa Ginoo nga mitungha kaniya pinaagi sa damgo ug miingon, “Jose, anak ni David, ayaw kahadlok sa pagpangasawa kang Maria kay kanang iyang gisamkon gikan sa Espiritu Santo.

Daniel 8:25

Pinaagi sa iyang kaigmat pauswagon niya ang limbong ilalom sa iyang kamot, ug diha sa iyang kaugalingong hunahuna siya magpagarbo sa iyang kaugalingon. Sa walay pagpasidaan, laglagon niya ang daghan ug siya usab motindog batok sa Pangulo sa mga pangulo, apan pinaagi sa dili kamot sa tawo siya mapukan.

Mateo 2:22

Apan sa pagkadungog niya nga si Arquelao na ang naghari sa Judea puli sa iyang amahan nga si Herodes, nahadlok siya sa pagbalik didto, ug kay napahimangnoan man siya pinaagi sa damgo, miadto siya sa kayutaan sa Galilea.

Daniel 11:45

Siya magpabarog sa iyang harianong tolda taliwala sa dagat ug sa mahimayaong balaan nga bukid, apan bisan pa niana siya modangat sa iyang kataposan nga walay motabang kaniya.

Ezequiel 11:16

Busa isulti, ‘Mao kini ang giingon sa Ginoong Dios: Bisan ug gipadala nako sila ngadto sa layo uban sa mga nasod, ug tungod kay akong gipatibulaag sila sa mga kayutaan, bisan pa niana ako nahimong balaan nga dapit sa makadiyot alang kanila didto sa mga kayutaan nga ilang giadtoan.’

Jeremias 30:10

“Busa ayaw kahadlok, O Jacob nga akong alagad, nag-ingon ang Ginoo, ayaw kalisang, O Israel; kay tan-awa, luwason nako ikaw gikan sa layo, ug ang imong kaliwatan gikan sa yuta sa ilang pagkabihag. Si Jacob mobalik ug makabaton ug kalinaw ug kahusay, ug walay maghadlok kaniya.

Isaias 51:12

“Ako, ako mao siya nga naghupay kaninyo; kinsa ba ikaw nga mahadlok man ikaw sa tawo nga mamatay, sa anak sa tawo nga gihimo sama sa balili,

Salmo 139:7

Asa ba ako paingon gikan sa imong Espiritu? O asa ba ako mopalayo gikan sa imong presensiya?

Salmo 76:10

Sa pagkatinuod gayod, ang kaligutgot sa tawo magdayeg kanimo; ang nahibilin sa kaligutgut imong gipugngan.

Mateo 2:20

“Bangon, dad-a ang bata ug ang iyang inahan uban kanimo, ug lakaw ngadto sa yuta sa Israel kay patay na ang mga nagtinguha sa kinabuhi sa bata.”

Mateo 27:19

Ug samtang naglingkod siya didto sa hukmanan, gipadad-an siya sa iyang asawa ug tugon, “Ayaw pangilabot nianang tawo nga matarong kay karong adlawa nahasol ako pag-ayo tungod sa akong damgo mahitungod kaniya.”

Mga Buhat 5:19

Apan sa pagkagabii, usa ka anghel sa Ginoo miabli sa mga pultahan sa bilanggoan ug gidala sila sa gawas ug giingnan,