Mateo 2:16

Ang Biblia 2011

Unya sa pagkakita ni Herodes nga gilansisan lang diay siya sa mga mago, nasuko siya pag-ayo, ug iyang gipaadtoan ug gipapatay ang tanang mga bata nga lalaki sa Betlehem ug sa tanang kasikbit niini, nga may kagulangon nga duha ka tuig ngadto sa ubos, sumala sa panahon nga iyang nasayran gikan sa mga mago.

Cross References

Genesis 39:14

gitawag niya ang mga lalaki sa iyang balay ug siya miingon kanila, “Tan-awa, gidad-an kita niya ug usa ka Hebreo aron sa pagpasipala kanato. Siya misulod nganhi kanako sa pagpakigdulog kanako ug ako misinggit ug kusog.

Genesis 39:17

Ug iyang gisugilon kang Potiphar ang mao gihapong sugilanon, “Ang ulipon nga Hebreo nga imong gidala dinhi kanamo misulod nganhi kanako aron sa pagpasipala kanako.

Genesis 49:7

Tinunglo ang ilang kapungot, kay kini pintas, ug ang ilang kaligutgot, kay kini bangis! Bahinon nako sila diha kang Jacob, ug patibulaagon nako sila diha sa Israel.

2 Mga Hari 8:12

Ug si Hasael miingon, “Nganong naghilak man ang akong agalon?” Ug siya mitubag, “Tungod kay ako nahibalo sa daotan nga imong buhaton ngadto sa katawhan sa Israel; ang ilang mga kuta imong sunogon, ug pamatyon ang ilang mga batan-ong lalaki pinaagi sa espada ug dugmokon ang mga gagmay nga bata, ug yasyasan ang ilang mga babaye nga mabdos.”

Job 12:4

Ako usa ka kataw-anan sa akong mga higala; ako nga mitawag sa Dios ug siya mitubag kanako, usa ka matarong ug hingpit nga tawo, usa ka kataw-anan.

Mga Panultihon 28:15

Sama sa usa ka liyon nga nagngulob o sa usa ka oso nga kadasmagon ang usa ka daotan nga pangulo ngadto sa kabos nga katawhan.

Mga Panultihon 28:17

Kon ang usa ka tawo sad-an sa dugo sa lain, pakagiwa siya hangtod sa kamatayon; ayaw siya patabangi ni bisan kinsa.

Isaias 26:21

Kay ang Ginoo moanhi gikan sa iyang dapit aron sa pagsilot sa mga nagpuyo sa yuta tungod sa ilang kasal-anan, ang yuta mopakita sa dugo nga gipaagas diha kaniya, ug dili na motabon sa iyang mga patay.

Isaias 59:7

Ang ilang mga tiil managan padulong sa kadaotan, ug sila magdali sa pagpaagas sa dugo sa walay sala; ang ilang mga hunahuna, hunahuna sa kasal-anan, kasub-anan ug kalaglagan anaa sa ilang mga dalan.

Daniel 3:13

Unya si Nabucodonosor sa iyang hilabihang kapungot misugo sa pagpakuha kang Sadrac, kang Mesac ug kang Abednego. Unya ilang gidala kining mga tawhana sa atubangan sa hari.

Oseas 10:14

busa ang kagubot sa gubat moalsa batok sa imong katawhan, ug ang tanan nimong mga kuta lumpagon, sama sa paglumpag ni Salman sa Bet-arbel sa adlaw sa gubat; ang mga inahan gipangdugmok uban sa ilang mga anak.

Numeros 22:29

Ug si Balaam miingon sa asno, “Kay gibinuangan man nimo ako, maayo pa unta kon may espada sa akong kamot, kay karon gipatay ko na unta ikaw.”

Numeros 24:10

Ug ang kasuko ni Balak misilaob batok kang Balaam, ug mipakpak siya sa iyang mga kamot ug si Balak miingon kang Balaam, “Mitawag ako kanimo aron sa pagtunglo sa akong mga kaaway, ug tan-awa, ikaw nagpanalangin kanila niining tulo ka higayon.

Mateo 2:1

Niadtong tungora sa natawo na si Jesus didto sa Betlehem sa Judea sa panahon ni Herodes nga hari, dihay mga mago gikan sa Sidlakan nga miabot sa Jerusalem, ug nangutana,

Mateo 2:17

Busa natuman ang gisulti sa propeta nga si Jeremias nga nag-ingon,

Mateo 2:7

Unya sa tago gipatawag ni Herodes ang mga mago, ug siya nagpakisusi pag-ayo kanila sa tukmang panahon nga mipakita ang bituon.

Gipadayag 12:4

Ang iyang ikog mikahig sa ikatulo nga bahin sa mga bituon sa langit, ug sila gihulog niini ngadto sa kalibotan. Ug ang dragon mibarog sa atubangan sa babaye nga hapit na manganak, aron iyang tukbon ang bata inigkahimugso na niini.

Gipadayag 17:6

Ug akong nakita ang babaye nga nahubog sa dugo sa mga balaan ug sa dugo sa mga gipamatay nga mga saksi ni Jesus. Sa akong pagkakita kaniya dako kaayo ang akong kahibulong.

Mga Maghuhukom 16:10

Unya si Delaila miingon kang Samson, “Tan-awa, imo akong gibugalbugalan ug gisultihan ug mga bakak. Suginli ako kon unsaon ikaw paggapos.”