Mateo 2:12

Ang Biblia 2011

Ug sa napahimangnoan na sila pinaagi sa damgo sa dili pagbalik kang Herodes, mibalik sila agi sa laing dalan ngadto sa ilang kaugalingong yuta.

Cross References

Genesis 31:24

Apan ang Dios miadto kang Laban nga Aramhanon pinaagi sa damgo niadtong gabhiona ug miingon kaniya, “Pagmatngon nga dili ikaw magsulti ug usa ka pulong ngadto kang Jacob, maayo o daotan.”

Exodo 1:17

Apan ang mga mananabang nahadlok sa Dios ug wala sila magbuhat sumala sa gisugo kanila sa hari, hinuon ilang gitugotan nga mabuhi ang mga bata nga lalaki.

Daniel 2:19

Unya ang tinago gipadayag kang Daniel pinaagi sa usa ka panan-awon sa pagkagabii. Unya gidayeg ni Daniel ang Dios sa langit.

Mateo 1:20

Apan samtang naglaraw siya sa pagbuhat niini, dihay usa ka anghel sa Ginoo nga mitungha kaniya pinaagi sa damgo ug miingon, “Jose, anak ni David, ayaw kahadlok sa pagpangasawa kang Maria kay kanang iyang gisamkon gikan sa Espiritu Santo.

Mateo 2:13

Ug sa nakalakaw na ang mga mago, dihay usa ka anghel sa Ginoo nga mipakita kang Jose pinaagi sa damgo ug miingon, “Bangon, dad-a ang bata ug ang iyang inahan ug ikyas ngadto sa Ehipto ug pabilin didto hangtod ingnon ko ikaw kay sa dili madugay, si Herodes mangita na sa bata aron sa pagpatay kaniya.”

Mateo 2:19

Apan sa pagkamatay na ni Herodes, dihay, usa ka anghel sa Ginoo nga mipakita kang Jose didto sa Ehipto pinaagi sa damgo, ug miingon kaniya,

Mateo 2:22

Apan sa pagkadungog niya nga si Arquelao na ang naghari sa Judea puli sa iyang amahan nga si Herodes, nahadlok siya sa pagbalik didto, ug kay napahimangnoan man siya pinaagi sa damgo, miadto siya sa kayutaan sa Galilea.

Mateo 27:19

Ug samtang naglingkod siya didto sa hukmanan, gipadad-an siya sa iyang asawa ug tugon, “Ayaw pangilabot nianang tawo nga matarong kay karong adlawa nahasol ako pag-ayo tungod sa akong damgo mahitungod kaniya.”

Lucas 2:26

Ug gipadayag kaniya sa Espiritu Santo nga dili siya mamatay sa dili pa niya makita ang Cristo sa Ginoo.

Mga Buhat 10:22

Ug sila miingon, “Si Cornelio nga kapitan, nga usa ka tawo nga matarong ug mahadlokon sa Dios, ug namatud-an nga maayo sa tibuok nasod sa mga Judio, gimandoan sa usa ka balaang anghel sa pagpakuha kanimo aron moadto sa iyang balay ug siya mamati sa imong isulti kaniya.”

Mga Buhat 4:19

Apan si Pedro ug si Juan mitubag kanila, “Kon matarong man diha sa panan-aw sa Dios sa pagpamati kaninyo kay sa Dios, hukmi ninyo,

Mga Buhat 5:29

Apan si Pedro ug ang mga apostoles mitubag nga nag-ingon, “Kinahanglan among tumanon ang Dios kay sa mga tawo.

1 Mga Taga-Corinto 3:19

Kay ang kaalam niining kalibotana binuang alang sa Dios. Kay nasulat, “Iyang dakpon ang mga maalamon diha sa ilang pagkamaalamon.”

Mga Hebreo 11:7

Tungod sa pagtuo si Noe, sa napasidan-an siya sa Dios mahitungod sa mga hitabo nga wala pa makita, mitagad sa pasidaan ug iyang gibuhat ang arka alang sa pagluwas sa iyang panimalay. Tungod niini ang kalibotan iyang gihukman sa silot, ug siya nahimong manununod sa pagkamatarong nga pinaagi sa pagtuo.

Mga Hebreo 8:5

Nag-alagad sila sa hulagway ug anino sa langitnong dapit nga balaan kay sa dihang hapit na si Moises magpatindog sa tolda, gitugon siya sa Dios nga nag-ingon, “Tan-awa nga ang tanan himoon nimo sumala sa sumbanan nga gipakita kanimo didto sa bukid.”