Mateo 2:11

Ang Biblia 2011

Sa pagsulod na nila sa balay, ilang nakita ang bata uban kang Maria nga iyang inahan, ug sila miluhod ug misimba sa bata. Ug sa naukban na nila ang ilang mga bahandi, ilang gihalaran siya ug mga gasa: bulawan ug insenso ug mira.

Cross References

Genesis 43:11

Unya si Israel nga ilang amahan miingon kanila, “Kon mao na gayod kini, buhata kana ninyo. Pagdala kamo sa labing maayong bunga sulod sa inyong mga sudlanan ug dad-i ninyo kadtong tawo ug usa ka gasa, diyotay nga haplas ug diyotay nga dugos, mga lamas humot nga tagok sa kahoy ug mira, mga pistasio ug mga almendras.

1 Mga Hari 10:10

Unya iyang gihatagan ang hari ug 120 ka talanton nga bulawan ug daghan kaayong mga panakot ug mga mahalon nga bato; wala gayoy sama sa gidaghanon sa mga panakot nga gihatag sa rayna sa Seba ngadto kang Hari Solomon.

1 Mga Hari 10:2

Siya miadto sa Jerusalem uban ang dakong panon sa mga sakop, uban ang mga kamilyo nga gikargahan sa mga panakot ug daghan kaayong bulawan ug mga mahalon nga bato. Ug sa pag-abot niya kang Solomon, siya misugilon kaniya mahitungod sa tanan nga diha sa iyang kasingkasing.

Salmo 2:12

halok sa iyang tiil, aron siya dili masuko ug mangahanaw kamo diha sa dalan; kay ang kapungot niya dali rang mosilaob. Bulahan ang tanan nga modangop diha kaniya.

Salmo 45:8

ang tanan nimong kupo humot sa mira ug mga aloe ug casia. Gikan sa mga palasyo nga hinimo sa tango sa elepante ang mga tulunggon nga may kuwerdas naglipay kanimo;

Salmo 72:10

Ang mga hari sa Tarsis ug sa mga kapuloan maghatag unta kaniya ug buhis: ang mga hari sa Sheba ug sa Seba magdala unta ug mga gasa!

Salmo 72:15

Mabuhi unta siya ug dugay, mahatag unta ang bulawan sa Sheba ngadto kaniya! Himoon unta kanunay ang pag-ampo alang kaniya, ug mapanalanginan unta siya sa tibuok nga adlaw!

Salmo 95:6

O dali kamo, magsimba ug mangyukbo kita; mangluhod kita sa atubangan sa Ginoo nga atong Magbubuhat!

Exodo 30:23

“Pagkuha usab ug labing maayo nga mga pahumot: lima ka gatos ka siklo nga mira nga tinubig, ug katunga sa gidaghanon nga mao ang 250 ka siklo nga humot nga kaningag ug 250 sa humot nga kahoy

Exodo 30:34

Unya ang Ginoo miingon kang Moises, “Pagkuha ug mga humot nga panakot, stakti, onika ug galbanum, mga humot nga panakot uban sa lunsay nga insenso. Ang matag usa kinahanglang sama ug timbang.

Awit sa mga Awit 3:6

Unsa ba kining miabot gikan sa kamingawan, sama sa mga haligi nga aso, gipahumotan sa mira ug insenso, uban sa tanang humot nga mga pulbos sa tigpatigayon?

Isaias 60:6

Ang panon sa mga kamilyo motabon kanimo, ang mga batan-on nga kamilyo sa Midian ug sa Epha; ang tanang gikan sa Seba manganhi. Sila magdala ug bulawan ug insenso, ug magmantala sa pagdayeg sa Ginoo.

Levitico 6:15

Gikan niini siya magkuha ug usa ka hakop nga pinong harina sa halad nga pagkaon uban sa lana niini ug ang tanan nga insenso nga anaa sa ibabaw sa halad nga pagkaon, ug sunogon niya kini ibabaw sa halaran ingon nga handomanan niini, usa ka kahumot alang sa Ginoo.

Malaquias 1:11

Kay gikan sa pagsubang sa adlaw bisan hangtod sa pagsalop niini, ang akong ngalan bantogan taliwala sa kanasoran ug sa matag dapit ang insenso ihalad alang sa akong ngalan, ug ang ulay nga halad, kay ang akong ngalan bantogan taliwala sa kanasoran, nag-ingon ang Ginoo sa mga panon.

Numeros 7:14

ug usa ka plato nga bulawan nga ang gibug-aton napulo ka siklo nga puno sa insenso,

Numeros 7:86

Ug ang napulo ug duha ka plato nga bulawan nga puno sa insenso may gibug-aton nga napulo ka siklo ang matag usa sumala sa siklo sa balaang dapit, ang tanang bulawan sa mga plato 120 ka siklo;

Mateo 1:18

Ug ang pagkatawo ni Jesu-Cristo nahitabo sa ingon niini: Sa diha nga ang iyang inahan nga si Maria kaslonon pa kang Jose, sa wala pa sila mag-ipon, nakaplagan siya nga nagsamkon pinaagi sa Espiritu Santo.

Mateo 12:46

Samtang nagsulti pa siya sa katawhan, ang iyang inahan ug ang iyang mga igsoong lalaki nagtindog didto sa gawas, buot makigsulti kaniya. [

Mateo 14:33

Unya sila nga didto sa sakayan misimba kaniya ug miingon, “Sa pagkatinuod ikaw mao ang Anak sa Dios.”

Mateo 2:10

Sa pagkakita nila sa bituon, nangalipay gayod sila pag-ayo.

Mateo 2:2

“Hain man ang gipanganak nga hari sa mga Judio? Kay nakita namo ang iyang bituon didto sa Sidlakan ug nanganhi kami aron sa pagsimba kaniya.”

Lucas 2:16

Unya miadto sila nga nagdali ug ilang nakit-an si Maria ug si Jose ug ang gamayng bata nga naghigda sa pasongan.

Lucas 2:38

Ug sa pag-abot niadtong taknaa, nagpasalamat siya sa Dios ug misulti mahitungod sa bata ngadto sa tanang nagpaabot sa pagtubos sa Jerusalem.

Juan 19:39

Ug si Nicodemo, nga sa una miadto kang Jesus usa niana ka gabii, miadto usab nga nagdala ug mga usa ka gatos ka libra nga sinagol nga mirra ug aloe.

Gipadayag 19:10

Unya mihapa ako sa iyang tiilan aron unta sa pagsimba kaniya, apan siya miingon kanako, “Ayaw kana buhata! Ako usa lamang ka sulugoon nga kauban nimo ug sa imong kaigsoonan nga naghupot sa pagpamatuod mahitungod kang Jesus. Maoy simbaha ang Dios. Kay ang pagpamatuod mahitungod kang Jesus mao man ang espiritu sa propesiya.”

Gipadayag 5:8

Ug sa nakuha na niya ang basahong linukot, ang upat ka buhing binuhat ug ang 24 ka kadagkoan mihapa sa atubangan sa Nating Karnero, ang matag usa nagkupot ug alpa ug mga bulawang panaksan nga puno sa insenso, nga mao ang mga pag-ampo sa mga balaan.

1 Samuel 10:27

Apan ang ubang mga tawo nga walay pulos nag-ingon, “Unsaon man niining tawhana pagluwas kanato?” Ug ilang gitamay siya ug wala magdala kaniya ug gasa. Apan nagpakahilom lamang siya.