Mateo 2:1

Ang Biblia 2011

Niadtong tungora sa natawo na si Jesus didto sa Betlehem sa Judea sa panahon ni Herodes nga hari, dihay mga mago gikan sa Sidlakan nga miabot sa Jerusalem, ug nangutana,

Cross References

Genesis 10:30

Ang kayutaan nga ilang gipuy-an nagsukad sa Mesa paingon sa Separ, ngadto sa bukid sa silangan.

Genesis 25:6

Apan ngadto sa mga anak nga lalaki sa iyang mga puyopuyo, si Abraham mihatag kanila ug mga gasa. Ug sa dihang buhi pa siya gipalakaw niya sila layo kang Isaac nga iyang anak, ngadto sa silangan nga kayutaan.

Genesis 41:8

Busa sa pagkabuntag nahasol ang iyang espiritu ug nagsugo siya ug gipatawag niya ang tanan nga mga tigsalamangka sa Ehipto ug ang tanan niya nga mga maalamong tawo. Ug ang Paraon misugilon kanila sa iyang mga damgo apan walay bisan kinsa nga nakahubad sa kahulogan niini ngadto sa Paraon.

Genesis 49:10

Ang sitro dili mobiya gikan kang Juda, o ang baston sa tigmando gikan sa taliwala sa iyang mga tiil, hangtod nga siya nga tag-iya niini moabot ug maiya ang pagkamasinugtanon sa mga katawhan.

1 Mga Hari 4:30

mao nga ang kaalam ni Solomon milabaw sa kaalam sa tanang katawhan sa silangan ug sa tanang kaalam sa Ehipto.

1 Cronicas 2:51

si Salma nga amahan ni Betlehem ug si Haref nga amahan ni Betgader.

Job 1:3

Aduna siyay pito ka libo ka karnero, tulo ka libo ka kamilyo, lima ka gatos ka paris nga baka, ug lima ka gatos ka baye nga asno ug daghan kaayo ug mga sulugoon, mao nga kining tawhana maoy labing bantogan sa tibuok katawhan sa silangan.

Isaias 11:10

Nianang adlawa ang gamot ni Jesse magtindog ingon nga usa ka bandila sa mga katawhan. Kaniya mangita ang mga nasod, ug ang iyang puluy-anan mahimong mahimayaon.

Miqueas 5:2

Apan ikaw, O Betlehem Efrata, ikaw nga gamayng lungsod diha sa kabanayan sa Juda, gikan kanimo mogula alang kanako ang mahimong tigmando sa Israel, nga ang kagikan gikan pa sa kanhing panahon, gikan sa kakaraanan.

Mateo 1:25

Apan si Jose wala makighilawas kaniya hangtod nga gipanganak ni Maria ang usa ka bata nga lalaki, ug iyang ginganlan siya ug Jesus.

Mateo 2:16

Unya sa pagkakita ni Herodes nga gilansisan lang diay siya sa mga mago, nasuko siya pag-ayo, ug iyang gipaadtoan ug gipapatay ang tanang mga bata nga lalaki sa Betlehem ug sa tanang kasikbit niini, nga may kagulangon nga duha ka tuig ngadto sa ubos, sumala sa panahon nga iyang nasayran gikan sa mga mago.

Mateo 2:19

Apan sa pagkamatay na ni Herodes, dihay, usa ka anghel sa Ginoo nga mipakita kang Jose didto sa Ehipto pinaagi sa damgo, ug miingon kaniya,

Mateo 2:3

Sa pagkadungog niini ni Herodes nga hari, nahasol siya ug ang tibuok Jerusalem uban kaniya.

Mateo 2:5

Ug sila miingon kaniya, “Sa Betlehem sa Judea, kay mao man kini ang nasulat pinaagi sa propeta:

Mateo 2:7

Unya sa tago gipatawag ni Herodes ang mga mago, ug siya nagpakisusi pag-ayo kanila sa tukmang panahon nga mipakita ang bituon.

Lucas 1:5

Sa panahon ni Herodes nga hari sa Judea, may usa ka pari nga ginganlan ug Zacarias, sa laray ni Abias. Ug ang iyang asawa kaliwat ni Aaron ug ang iyang ngalan mao si Elisabet.

Lucas 2:11

kay alang kaninyo natawo karong adlawa sa lungsod ni David ang Manluluwas nga mao ang Cristo nga Ginoo.

Lucas 2:15

Sa pagbiya na sa mga anghel gikan kanila paingon sa langit, ang mga tigbantay sa karnero nag-ingon sa usa ug usa, “Mangadto kita sa Betlehem ug tan-awon nato kining nahitabo nga gipahibalo sa Ginoo kanato.”

Juan 7:42

Dili ba giingon man sa Kasulatan nga ang Cristo maggikan sa kaliwatan ni David ug gikan sa Betlehem, ang balangay diin didto si David?”

Mga Maghuhukom 17:7

Unya dihay usa ka batan-ong lalaki nga taga-Betlehem sa Juda, sa banay ni Juda, siya usa ka Levihanon ug siya mipuyo didto.