Mateo 19:9

Ang Biblia 2011

Ug sultihan ko kamo, si bisan kinsa nga mobulag sa iyang asawa, nga dili tungod sa pagluib, ug unya mangasawa siya ug lain, siya nakapanapaw.”

Cross References

Genesis 20:3

Apan ang Dios miadto kang Abimelek pinaagi sa damgo sa pagkagabii ug miingon kaniya, “Tan-awa, daw patay na ikaw tungod sa babaye nga imong gikuha, kay siya asawa sa usa ka tawo.”

2 Cronicas 21:11

Dugang pa niana siya naghimo ug mga habog nga dapit didto sa kabukiran sa Juda ug nangulo siya sa mga nagpuyo sa Jerusalem ngadto sa pagkadili matinumanon ug gipahisalaag ang Juda.

Jeremias 3:1

“Kon ang usa ka lalaki makigbulag sa iyang asawa ug kini mobiya kaniya ug mahimong asawa sa laing lalaki, mobalik ba siya niini? Dili ba kanang yutaa mahugaw pag-ayo? Ikaw nakighilawas uban sa daghang mga hinigugma; ug mobalik ba ikaw kanako? nag-ingon ang Ginoo.

Jeremias 3:8

Nakita niya nga alang sa tanang pagpanapaw niadtong maluibon nga Israel, gipalakaw ko siya uban sa sulat sa pakigbulag. Apan ang iyang malinglahong igsoon nga Juda wala mahadlok, hinuon siya usab miadto ug nagkighilawas.

Ezequiel 16:15

“Apan nagsalig ikaw sa imong kaanyag ug nagmakihilawason tungod sa imong kabantog, ug gibubo nimo ang imong pagkabigaon sa tanan nga molabay kanimo.

Ezequiel 16:29

Gipadaghan pa gayod nimo ang imong pagpakighilawas uban sa Caldea, ang yuta sa mga tigpamatigayon, ug bisan pa niana ikaw wala gihapon matagbaw.

Ezequiel 16:8

“Sa diha nga miagi ako kanimo pag-usab ug mitan-aw kanimo, ug nakita nako nga ikaw anaa na sa panahon sa paghigugma, ug gibuklad nako ang akong bisti sa ibabaw nimo ug gitabonan ang imong pagkahubo. Oo, ako nanumpa kanimo ug naghimo ug usa ka kasabotan uban kanimo, nag-ingon ang Ginoong Dios, ug ikaw nahimo nga akoa.

Mateo 19:10

Unya ang iyang mga tinun-an miingon kaniya, “Kon mao kanay kahimtang sa lalaki uban sa iyang asawa, maayo pa nga dili magminyo.”

Mateo 19:8

Siya miingon kanila, “Tungod sa kagahi ninyo ug kasingkasing, gitugotan na lang kamo niya sa pagbulag sa inyong asawa, apan sa sinugdan dili kini ingon niana.

Mateo 5:32

Apan sultihan ko kamo nga si bisan kinsa nga mobulag sa iyang asawa, gawas lamang kon kini nagluib kaniya, nagtukmod kaniya sa pagpanapaw, ug ang mangasawa sa usa ka babayeng binulagan nakapanapaw.

Lucas 16:18

“Ang matag usa nga mobulag sa iyang asawa ug mangasawa ug lain, nakapanapaw, ug ang mangasawa sa babayeng gibulagan sa bana, nakapanapaw.

1 Mga Taga-Corinto 5:1

Gibalita gayod nga adunay salawayong pakighilawas diha kaninyo, kanang pakighilawas nga bisan sa mga Gentil wala mahitabo, nga adunay nakigpuyo sa asawa sa iyang amahan.

1 Mga Taga-Corinto 7:39

Ang asawa nabugkos ngadto sa iyang bana samtang kini magpabilin nga buhi. Apan kon ang bana mamatay, siya may kagawasan sa pagpamana kang bisan kinsa nga buot niya, diha lamang sa Ginoo.

1 Mga Taga-Corinto 7:4

Kay ang asawa dili mao ang magbuot sa kaugalingon niyang lawas kondili ang iyang bana, sama nga ang bana dili magbuot sa kaugalingon niyang lawas kondili ang iyang asawa.