Mateo 19:8

Ang Biblia 2011

Siya miingon kanila, “Tungod sa kagahi ninyo ug kasingkasing, gitugotan na lang kamo niya sa pagbulag sa inyong asawa, apan sa sinugdan dili kini ingon niana.

Cross References

Genesis 2:24

Tungod niini, ang lalaki mobiya sa iyang amahan ug sa iyang inahan, ug motipon siya sa iyang asawa, ug sila mahimong usa ka unod.

Genesis 7:7

Ug si Noe ug ang iyang mga anak nga lalaki ug ang iyang asawa ug ang mga asawa sa iyang mga anak nga uban kaniya misulod sa arka aron paglingkawas gikan sa mga tubig sa lunop.

Salmo 95:8

Ayaw pagahia ang inyong kasingkasing, sama didto sa Meriba, sama sa adlaw didto sa Masa, didto sa kamingawan,

Jeremias 6:16

Mao kini ang giingon sa Ginoo: “Panindog kamo diha sa mga dalan, ug tan-awa, ug pangutana mahitungod sa karaang mga agianan, diin anaa ang maayong dalan ug lakaw kamo subay niini, ug makakaplag kamo ug pahulay alang sa inyong mga kalag. Apan sila miingon, ‘Dili kami mosubay niini.’

Zacarias 7:12

Ang ilang mga kasingkasing ilang gipagahi sama sa bato, kay tingali unya ug makadungog sila sa balaod ug sa mga pulong nga gipadala sa Ginoo sa mga panon pinaagi sa iyang Espiritu pinaagi sa unang mga propeta. Busa ang dakong kaligutgot miabot gikan sa Ginoo sa mga panon.

Mateo 19:7

Sila miingon kaniya, “Nganong nagsugo man si Moises sa paghatag ug sulat sa pakigbulag ug sa pagbulag kaniya?”

Mateo 19:9

Ug sultihan ko kamo, si bisan kinsa nga mobulag sa iyang asawa, nga dili tungod sa pagluib, ug unya mangasawa siya ug lain, siya nakapanapaw.”

Mateo 3:15

Apan si Jesus mitubag kaniya, “Itugot kini karon kay angay kanato ang pagtuman sa tibuok nga pagkamatarong.” Ug siya mitugot kaniya.

Mateo 8:31

Ug nagpakiluoy kaniya ang mga demonyo nga nag-ingon, “Kon imo kaming pagulaon, pasudla kami nianang panon sa mga baboy.”

Marcos 10:5

Apan si Jesus miingon kanila, “Tungod sa kagahi ninyo ug kasingkasing, nagsulat siya kaninyo sa maong sugo.

Marcos 16:14

Unya mipakita siya sa napulo ug usa samtang nanambong sila sa kan-anan ug gisaway niya sila tungod sa kakulang nila ug pagtuo ug kagahi nila ug kasingkasing, kay wala man sila motuo sa mga nakakita kaniya human siya mabanhaw.

1 Mga Taga-Corinto 7:6

Nagsulti ako niini ingon nga pagtugot, dili ingon nga sugo.

1 Samuel 25:43

Si David nangasawa usab kang Ahinoam sa Jesreel, ug silang duha nahimo niyang mga asawa.