Mateo 19:5

Ang Biblia 2011

ug miingon, ‘Tungod niini biyaan sa lalaki ang iyang amahan ug inahan ug makigtipon sa iyang asawa, ug silang duha mahimong usa?’

Cross References

Genesis 34:3

Apan ang iyang kalag nadani kang Dina nga anak ni Jacob ug nahigugma siya sa dalaga, ug misulti nga malumo kaniya.

2 Samuel 1:26

Ako nasubo alang kanimo, igsoon ko nga Jonatan; maayo gayod ikaw kanako; ang imong gugma kanako talagsaon, labaw pa sa gugma sa mga babaye,

1 Mga Hari 11:2

Sa mga nasod nga giingon sa Ginoo ngadto sa katawhan sa Israel, “Dili kamo makigminyo kanila, mao man usab sila nganha kaninyo kay, sa pagkatinuod sila magpasimang sa inyong kasingkasing sa pagsunod sa ilang mga dios.” Apan si Solomon nahigugma kanila pag-ayo.

Salmo 45:10

Pamati, O anak nga babaye, pamalandong ug ikiling ang imong igdulungog; kalimti ang imong katawhan ug ang balay sa imong amahan,

Salmo 63:8

Ang akong kalag magpabilin kanimo; ang imong tuong kamot nag-agak kanako.

Malaquias 2:15

Wala ba ang bugtong nga Dios maghimo ug magsangkap kanato sa espiritu sa kinabuhi? Ug unsa ang iyang gitinguha? Diosnon nga kaliwat. Busa pagbantay kamo sa inyong kaugalingon, ug ayaw itugot nga adunay usa nga magmaluibon sa asawa sa inyong pagkabatan-on.

Mateo 19:6

Sa ingon niini dili na sila duha kondili usa ka unod. Busa, unsay gihiusa sa Dios, ayaw ipabulag sa tawo.”

Roma 12:9

Kinahanglang walay pagminaot ang gugma. Dumti ninyo ang daotan; kupot sa maayo.

1 Mga Taga-Corinto 6:16

Wala ba kamo masayod nga ang nahiusa ngadto sa usa ka babayeng makihilawason nahimong usa ka lawas uban kaniya? Kay sumala sa giingon, “Ang duha mahimong usa ka unod.”

1 Mga Taga-Corinto 7:2

Apan tungod sa mga salawayong pakighilawas, ang matag lalaki kinahanglang magbaton ug iyang kaugalingong asawa ug ang matag babaye magbaton ug iyang kaugalingong bana.

1 Mga Taga-Corinto 7:4

Kay ang asawa dili mao ang magbuot sa kaugalingon niyang lawas kondili ang iyang bana, sama nga ang bana dili magbuot sa kaugalingon niyang lawas kondili ang iyang asawa.

Mga Taga-Efeso 5:31

“Tungod niining maong hinungdan, ang lalaki mobiya sa iyang amahan ug inahan ug makig-usa siya sa iyang asawa, ug silang duha mahimong usa ka unod.”

Deuteronomio 10:20

Kahadloki ninyo ang Ginoo nga inyong Dios. Alagari siya ug pakighiusa kaniya ug panumpa pinaagi sa iyang ngalan.

Deuteronomio 11:22

Kay kon magbantay kamo niining tanan nga mga sugo nga akong gisugo kaninyo sa pagbuhat, sa paghigugma sa Ginoo nga inyong Dios, sa paglakaw diha sa tanan niyang mga dalan, ug sa pagpakighiusa kaniya,

Deuteronomio 4:4

Apan kamo nga nagpabilin sa Ginoo nga inyong Dios buhi hangtod niining adlawa.

1 Samuel 18:1

Unya sa pagkahuman ni David ug pakigsulti kang Saul, ang kalag ni Jonatan nahiusa sa kalag ni David ug si Jonatan nahigugma kaniya ingon sa iyang kaugalingong kalag.

1 Samuel 25:43

Si David nangasawa usab kang Ahinoam sa Jesreel, ug silang duha nahimo niyang mga asawa.