Mateo 18:4

Ang Biblia 2011

Busa si bisan kinsa nga magpaubos sa iyang kaugalingon sama niining gamayng bata, siya mahimong labing dako sa gingharian sa langit.

Cross References

Isaias 57:15

Kay kini mao ang giingon sa taas ug sa Usa nga halangdon nga nagpuyo sa walay kataposan, nga ang ngalan Balaan: “Ako nagpuyo sa habog ug balaan nga dapit, ug uban usab kaniya nga may mahinulsolon ug mapaubsanon nga espiritu, aron sa pagpabuhi sa espiritu sa mapaubsanon, ug aron sa pagpabuhi sa kasingkasing sa mahinulsolon.

Mateo 18:1

Niadtong higayona miduol kang Jesus ang mga tinun-an nga nag-ingon, “Kinsa man ang labing dako sa gingharian sa langit?”

Mateo 18:3

Ug miingon siya, “Sa pagkatinuod, sultihan ko kamo, gawas kon magbag-o kamo ug mangahimong sama sa mga gagmayng bata, dili gayod kamo makasulod sa gingharian sa langit.

Mateo 18:5

“Si bisan kinsa nga tungod sa akong ngalan nagdawat sa usa ka gamayng bata nga sama niini, nagdawat kanako.

Marcos 10:43

Apan dili kini angayng mahitabo kaninyo, kondili, kadtong buot mahimong dako diha kaninyo, kinahanglan nga mahimong inyong alagad,

Marcos 9:34

Apan wala sila motingog kay diha sa dalan naglalis man sila kon kinsa ang labing dako kanila.

Lucas 14:11

Kay ang tanan nga nagpataas sa iyang kaugalingon, ipaubos, ug ang nagpaubos sa iyang kaugalingon, ipataas.”

Lucas 9:48

Ug miingon siya kanila, “Si bisan kinsa nga nagdawat niining bata tungod sa akong ngalan nagdawat kanako, ug si bisan kinsa nga nagdawat kanako, nagdawat kaniya nga nagpadala kanako; kay ang labing ubos kaninyong tanan mao ang labing dako.”

Santiago 4:10

Ipaubos ang inyong kaugalingon atubangan sa Ginoo ug siya magtuboy kaninyo.

1 Pedro 5:5

Kamo usab nga mga batan-on, pagmasinugtanon kamo sa mga kadagkoan. Ug kamong tanan, pagsul-ob sa pagkamapaubsanon ngadto sa usa ug usa, kay “Ang Dios mobatok sa mga mapahitas-on, apan sa mga mapaubsanon siya maghatag ug grasya.”