Mateo 18:12

Ang Biblia 2011

Unsa may inyong hunahuna? Kon ang usa ka tawo may usa ka gatos ka karnero ug ang usa niini masaag, dili ba niya biyaan ang 99 diha sa kabungtoran, ug molakaw aron sa pagpangita niadtong usa nga nasaag?

Cross References

1 Mga Hari 21:17

Ug ang pulong sa Ginoo miabot kang Elias nga Tisbinhanon, nga nag-ingon,

Salmo 119:176

Ako nahisalaag sama sa usa ka nawala nga karnero; pangitaa ang imong alagad, kay wala nako kalimti ang imong kasugoan.

Isaias 53:6

Kitang tanan sama sa mga karnero nga nangasaag; ang matag usa kanato misimang ngadto sa iyang kaugalingon nga dalan; ug gibutang sa Ginoo diha kaniya ang kasal-anan natong tanan.

Jeremias 50:6

“Ang akong katawhan mga karnero nga nangawala; ang ilang mga tigbantay maoy nagpasaag kanila, nag-abog kanila ngadto sa kabukiran; gikan sa bukid ngadto sa bungtod sila nangadto, sila nalimot sa ilang pahulayanan.

Ezequiel 34:12

Ingon sa usa ka tigbantay nga magsusi sa iyang panon sa diha nga ang uban sa iyang mga karnero nagkatibulaag ngadto sa layo, ako usab mangita sa akong mga karnero ug luwason nako sila gikan sa tanang mga dapit diin sila nagkatibulaag sa adlaw nga dag-omon ug ngiob kaayo.

Ezequiel 34:16

Pangitaon nako kadtong nawala, pabalikon kadtong nagkatibulaag sa layo, bugkosan ang napiang ug palig-onon ang nagmaluyahon, apan akong laglagon ang mga tambok ug kusgan, sila pasibsibon nako diha sa hustisya.

Ezequiel 34:28

Ug sila dili na mahimong tukbonon sa mga nasod o tukbon sila sa mga mananap sa yuta. Magpuyo sila nga layo sa kakuyaw, ug walay maghadlok kanila.

Ezequiel 34:4

Ang huyang wala ninyo palig-ona, ang masakiton wala tambali, ang napiang wala ninyo bugkosi, ang nasaag wala ninyo dad-a pagbalik, ang nawala wala ninyo pangitaa, ug uban sa kusog ug kabangis gimandoan ninyo sila.

Ezequiel 34:6

Ang akong mga karnero nagkatibulaag naglatagaw sila sa tanang kabukiran ug ibabaw sa tanang habog nga kabungtoran. Ang akong mga karnero nagkatibulaag ibabaw sa tibuok kalibotan, ug walay usa nga nagsusi o nangita kanila.

Mateo 12:11

Siya miingon kanila, “Kinsa bang tawhana kaninyo nga may usa ka karnero nga kon mahulog kini sa lungag sa adlaw nga igpapahulay dili magkuha niini gikan sa lungag?

Mateo 18:13

Ug sa dihang makit-an na niya kini, sa pagkatinuod sultihan ko kamo nga ang iyang kalipay alang niini labaw pa kay sa kalipay niya alang sa 99 nga wala masaag.

Mateo 21:28

“Unsay inyong hunahuna niini? Usa ka tawo may duha ka anak nga lalaki ug miadto siya sa usa ug miingon kaniya, ‘Anak, lakaw ug pagbuhat didto sa parasan karon.’

Mateo 22:42

nga nag-ingon, “Unsa may inyong hunahuna mahitungod sa Cristo? Kang kinsa man siyang anak?” Sila miingon kaniya, “Anak siya ni David.”

1 Mga Taga-Corinto 10:15

Ako nagsulti kaninyo ingon nga mga tawong maalamon; hukmi ninyo unsay akong isulti.

1 Pedro 2:25

Kay sama sa mga karnero, kamo kaniadto nangasaag, apan karon kamo nahibalik na sa Tig-atiman ug Tigpanalipod sa inyong mga kalag.