Mateo 17:4

Ang Biblia 2011

Unya si Pedro miingon kang Jesus, “Ginoo, maayo hinuon nga ania kami dinhi. Kon buot nimo, magbuhat ako dinhi ug tulo ka payagpayag, usa alang kanimo, usa alang kang Moises ug usa alang kang Elias.”

Cross References

Salmo 16:11

Imong gipakita kanako ang dalan sa kinabuhi; diha sa imong atubangan anaa ang kahingpitan sa kalipay; diha sa imong tuong kamot anaa ang kalipay nga walay kataposan.

Salmo 4:6

Daghan ang mga nag-ingon, “Makakita unta kami ug maayo! Ibanwag ang kahayag sa imong nawong ngari kanamo, O Ginoo!”

Isaias 33:17

Ang imong mga mata makakita sa hari diha sa iyang katahom; sila makalantaw ug usa ka yuta nga moabot sa layo.

Zacarias 9:17

Kay pagkamaayo ug pagkaanindot gayod niini! Ang trigo magpalambo sa mga batan-ong lalaki, ug ang bag-ong bino sa mga batan-ong babaye.

Mateo 17:3

Ug didto, nakita nila si Moises ug si Elias nga nakigsulti kang Jesus.

Lucas 9:33

Sa dihang sila mibiya kaniya, si Pedro miingon kang Jesus, “Agalon, maayo gayod nga ania kami dinhi. Magbuhat kami ug tulo ka payagpayag, usa alang kanimo, usa alang kang Moises, ug usa alang kang Elias.” Siya nagsulti niini nga wala makasabot sa iyang gisulti.

Juan 17:24

Amahan, buot unta nako nga kon asa ako atua usab uban kanako sila nga imong gitugyan kanako, aron makakita sila sa akong himaya nga imong gihatag kanako tungod kay nahigugma man ikaw kanako bisan sa wala pa buhata ang kalibotan.

Juan 7:2

Unya nagsingabot na ang kasaulogan sa mga Judio sa mga Balongbalong.

Mga Taga-Filipos 1:23

Ako napiit taliwala sa duha. Ang akong tinguha mao unta ang pagbiya ug makig-uban kang Cristo, kay kini labawng maayo.

1 Juan 3:2

Mga hinigugma, kita karon mga anak sa Dios, kon maunsa unya kita, kini wala pa ipadayag, apan kita nasayod nga sa dihang ipadayag na siya, kita mahisama kaniya kay makita man unya nato siya sa iyang pagkamao.

Gipadayag 21:23

Ug ang siyudad wala na magkinahanglan ug adlaw o bulan sa pagdan-ag niini, kay ang himaya sa Dios mao man ang kahayag niini, ug ang suga niini mao man ang Nating Karnero.