Mateo 17:3

Ang Biblia 2011

Ug didto, nakita nila si Moises ug si Elias nga nakigsulti kang Jesus.

Cross References

1 Mga Hari 17:1

Unya si Elias, ang Tisbihanon, sa Tisbe sa Gilead miingon kang Ahab, “Ingon nga buhi ang Ginoo, ang Dios sa Israel, nga sa atubangan ako nagtindog, walay yamog o ulan niining mga tuiga, gawas kon akong ipamulong.”

Malaquias 4:5

“Tan-awa, akong ipadala kaninyo si Elias nga propeta sa dili pa moabot ang dako ug makalilisang nga adlaw sa Ginoo.

Mateo 17:2

Ug nausab ang iyang dagway sa ilang atubangan, ang iyang nawong midan-ag sama sa adlaw, ug ang iyang bisti miamag sa kaputi sama sa kahayag.

Mateo 17:4

Unya si Pedro miingon kang Jesus, “Ginoo, maayo hinuon nga ania kami dinhi. Kon buot nimo, magbuhat ako dinhi ug tulo ka payagpayag, usa alang kanimo, usa alang kang Moises ug usa alang kang Elias.”

Marcos 9:4

Ug didto mipakita kanila si Elias uban kang Moises ug nakigsulti sila kang Jesus.

Lucas 1:17

ug siya mag-una kaniya diha sa espiritu ug sa gahom ni Elias, aron sa pagliso sa mga kasingkasing sa mga amahan balik ngadto sa mga anak, ug sa mga masinupakon ngadto sa kaalam sa mga matarong, aron sa pagtagana alang sa Ginoo ug usa ka inandam nga katawhan.”

Lucas 16:16

“Ang Balaod ug ang mga Propeta hangtod lamang kang Juan, ug sukad niadtong panahona giwali ang Maayong Balita mahitungod sa gingharian sa Dios, ug ang tanang tawo nakigbisog sa pagsulod niini.

Lucas 24:27

Ug sugod kang Moises ug sa tanang mga propeta, iyang gipasabot kanila ang mga butang sa tibuok nga kasulatan mahitungod sa iyang kaugalingon.

Lucas 24:44

Unya miingon siya kanila, “Kini mao ang akong mga pulong nga gisulti nako kaninyo sa kauban pa ako ninyo, nga ang tanang nasulat mahitungod kanako diha sa Balaod ni Moises ug sa mga Propeta ug sa mga Salmo kinahanglan gayod nga matuman.”

Lucas 9:33

Sa dihang sila mibiya kaniya, si Pedro miingon kang Jesus, “Agalon, maayo gayod nga ania kami dinhi. Magbuhat kami ug tulo ka payagpayag, usa alang kanimo, usa alang kang Moises, ug usa alang kang Elias.” Siya nagsulti niini nga wala makasabot sa iyang gisulti.

Juan 1:17

Kay ang Balaod gihatag pinaagi kang Moises, apan ang grasya ug ang kamatuoran miabot pinaagi kang Jesu-Cristo.

Deuteronomio 18:18

Magpatindog ako alang kanila ug usa ka propeta nga sama kanimo gikan sa taliwala sa ilang mga igsoon ug ibutang nako ang akong mga pulong sa iyang baba ug siya magsulti kanila sa tanan nga gisugo nako kaniya.

Deuteronomio 34:10

Ug wala na gayoy mitungha nga propeta sa Israel nga sama kang Moises nga nailhan sa Ginoo sa nawong ug nawong,