Mateo 17:1

Ang Biblia 2011

Human sa unom ka adlaw, gidala ni Jesus uban kaniya sila si Pedro ug si Santiago ug ang igsoon niini nga si Juan, ug iyang gipauban sila ngadto sa usa ka habog nga bukid nga silasila ra.

Cross References

Mateo 17:2

Ug nausab ang iyang dagway sa ilang atubangan, ang iyang nawong midan-ag sama sa adlaw, ug ang iyang bisti miamag sa kaputi sama sa kahayag.

Mateo 26:37

Ug iyang gidala sila si Pedro ug ang duha ka anak ni Zebedeo. Ug siya misugod sa pagbati ug kaguol ug kabalisa.

Marcos 13:3

Samtang naglingkod siya sa Bungtod sa mga Olibo atbang sa Templo, sa tago nangutana kaniya sila si Pedro ug si Santiago ug si Juan ug si Andres,

Marcos 5:37

Ug wala siyay gitugotan sa pagkuyog kaniya gawas kang Pedro ug kang Santiago ug kang Juan nga igsoon ni Santiago.

Lucas 8:51

Ug sa pag-abot niya sa balay, wala siyay gitugotan sa pagsulod uban kaniya gawas kang Pedro, kang Juan, kang Santiago ug sa amahan ug inahan sa bata.

2 Mga Taga-Corinto 13:1

Kini karon ang ikatulong higayon nga ako moanha kaninyo. Ang bisan unsa nga sumbong kinahanglang paluyohan sa pamatuod sa duha o tulo ka mga saksi.

2 Pedro 1:16

Kay wala kami magsubay sa tinumotumong mga sugilanon sa among pagpahibalo kaninyo sa gahom ug pag-anhi sa atong Ginoong Jesu-Cristo, apan kami nakasaksi gayod sa iyang pagkahalangdon.

2 Pedro 1:18

Kami nakabati gayod sa maong tingog gikan sa langit, sa dihang kami uban kaniya didto sa bukid nga balaan.