Mateo 15:9

Ang Biblia 2011

Kawang lamang ang ilang pagsimba kanako kay ilang gitudlo ingon nga doktrina ang mga lagda sa tawo.’ ”

Cross References

Salmo 39:6

Sa pagkatinuod, ang matag tawo naglakaw ingon sa usa ka anino! Sa pagkatinuod, ang ilang kaguliyang kawang lamang; siya nagtigom ug wala mahibalo kon kinsa ang makaangkon niini.

Salmo 73:13

Ang tanan kawang lamang sa paghinlo nako sa akong kasingkasing ug ang pagpanghunaw nako sa akong mga kamot sa pagkawalay sala.

Exodo 20:7

“Ayaw gamita sa walay kapuslanan ang ngalan sa Ginoo nga imong Dios kay ang Ginoo dili mag-isip nga walay sala niadtong naggamit sa walay kapuslanan sa iyang ngalan.

Isaias 29:13

Ug ang Ginoo miingon, “Tungod kay kini nga katawhan nagpaduol kanako pinaagi sa ilang baba ug nagpasidungog kanako pinaagi sa ilang mga ngabil, apan gipalayo nila ang ilang kasingkasing gikan kanako, ug ang ilang kahadlok kanako usa ka sugo sa mga tawo nga naandang gitudlo;

Levitico 26:16

ako usab magbuhat kaninyo niini. Ako magpadala kaninyo ug kalisang, makamatay nga sakit ug hilanat nga makadaot sa mga mata ug kaguol nga ikamatay. Ug walay kapuslanan ang inyong pagpugas sa binhi kay ang inyong mga kaaway maoy mokaon niini.

Levitico 26:20

Ug ang inyong kusog mahago sa walay kapuslanan kay ang inyong yuta dili man mohatag sa abot niini bisan ang mga kahoy sa yuta dili mohatag sa ilang bunga.

Malaquias 3:14

Kamo miingon, ‘Walay kapuslanan ang pag-alagad sa Dios. Unsay kaayohan sa atong pagtuman sa iyang pahimangno o sa paglakaw diha sa pagsubo sa atubangan sa Ginoo sa mga panon?

Mateo 15:10

Unya gipatawag niya ang mga tawo ug miingon siya kanila, “Paminawa ug sabta ninyo kini:

Marcos 7:7

Kawang lamang ang ilang pagsimba kanako kay gitudlo man nila ingon nga pagtulun-an ang kasugoan gikan sa mga tawo.’

1 Mga Taga-Corinto 15:2

Pinaagi niini kamo naluwas, kon inyong huptan ang pulong sa Maayong Balita nga akong giwali kaninyo, gawas kon taphaw lamang ang inyong pagtuo.

Deuteronomio 12:32

“Matngoni gayod sa pagbuhat ang tanan nga gisugo nako kaninyo. Ayaw ninyo kini dugangi o kuhai.

1 Timoteo 1:4

o sa pagtagad sa minaomaong mga sugilanon ug walay kataposang asoy sa kagikanan, nga naghatag ug hinungdan sa panaglantugi labaw kay sa diosnong buluhaton diha sa pagtuo.

Tito 1:14

ug dili na magtagad sa mga tinumotumong sugilanon sa mga Judio o sa mga sugo gikan sa mga tawo nga nagsalikway sa kamatuoran.

Mga Hebreo 13:9

Ayaw na kamo pagpaanod sa nagkalainlain ug lahi nga mga tinuohan kay ang maayo mao nga ang kasingkasing malig-on pinaagi sa grasya, dili pinaagi sa mga pagkaon nga wala makahatag ug kaayohan kanila nga mga nagkinabuhi subay niini.

Santiago 2:20

Apan, O tawong walay pulos, buot ba ikaw masayod nga patay ang pagtuo nga walay binuhatan?

Gipadayag 22:18

Akong pasidan-an ang tanang mamati sa mga pulong sa propesiya niining basahona: kon adunay magdugang niini ug bisan unsa, kaniya idugang sa Dios ang mga katalagman nga gihisgotan niining basahona.

1 Samuel 25:21

Karon si David miingon, “Sa pagkatinuod, kawang ang akong pagbantay sa tanan nga gipanag-iya niining tawhana didto sa kamingawan, aron nga walay makulang sa tanan niyang kabtangan, ug iya akong gibalosan ug daotan alang sa maayo.