Mateo 15:6

Ang Biblia 2011

Busa tungod lamang sa inyong napanunod nga kalagdaan, wala ninyo hatagi ug gibug-aton ang pulong sa Dios.

Cross References

Salmo 119:126

Karon mao na ang panahon nga ang Ginoo molihok, kay gilapas nila ang imong Balaod.

Salmo 119:139

Ang akong kasibot miut-ot kanako, tungod kay ang akong mga kabatok nangalimot sa imong mga pulong.

Jeremias 8:8

“Unsaon ninyo pag-ingon, ‘Kami mga maalamon, ug ang Balaod sa Ginoo ania kanamo’? Apan ang bakakon nga dagang sa mga eskriba nagbuhat niini nga bakak.

Oseas 4:6

Ang akong katawhan nangalaglag tungod sa kakulang sa kahibalo, tungod kay imong gisalikway ang kahibalo, gisalikway ko ikaw gikan sa pagkapari nganhi kanako. Ug kay imong gikalimtan ang balaod sa imong Dios, kalimtan usab nako ang imong mga anak.

Mateo 15:5

Apan nag-ingon kamo, ‘Kon may usa nga moingon ngadto sa iyang amahan o inahan, “Ang akoa untang itabang kaninyo gikahatag ngadto sa Dios,” siya dili na kinahanglang magpasidungog pa sa iyang amahan o sa iyang inahan.’

Mateo 15:7

Tigpakaaron-ingnon! Pagkaayo gayong pagkapropesiya ni Isaias mahitungod kaninyo sa iyang pag-ingon,

Marcos 7:13

nga tungod niini inyong gibaliwala ang pulong sa Dios tungod sa gikabilin kaninyo nga kalagdaan. Ug daghan ang mga sama niini nga inyong gihimo.”

Roma 3:31

Gisalikway ba nato ang Balaod tungod sa maong pagtuo? Wala gayod! Hinuon gipalig-onan nato ang Balaod.

1 Timoteo 5:16

Kon adunay babayeng magtutuo nga may mga kadugo nga mga biyuda, patabanga siya kanila ug himoa nga ang iglesia dili mabug-atan aron kini makatabang sa mga tinuod gayod nga mga biyuda.

1 Timoteo 5:8

Ug kon adunay tawo nga wala magsangkap alang sa iyang mga kadugo, ilabi na sa iyang panimalay, siya naglimod sa iyang pagtuo ug labaw pa siyang daotan kay sa dili magtutuo.