Mateo 14:8

Ang Biblia 2011

Ug ang dalagita, tinudloan sa iyang inahan, miingon, “Ihatag dinhi kanako ang ulo ni Juan nga Tigbautismo, sinulod sa bandihado.”

Cross References

1 Mga Hari 18:13

Wala ba kini ikasugilon, akong agalon, kon unsay akong gibuhat sa dihang gipamatay ni Jezebel ang mga propeta sa Ginoo, giunsa nako pagtago ang usa ka gatos ka mga propeta sa Ginoo sa tag-50 sa usa ka langob ug gipakaon silag pan ug tubig?

1 Mga Hari 18:4

Ug sa dihang gipamatay ni Jesebel ang mga propeta sa Ginoo, si Obadias mikuha ug usa ka gatos ka propeta ug gipatago sila sa mga langob sa tag-50 ug gipakaon sila ug pan ug tubig.

1 Mga Hari 19:2

Unya si Jesebel nagpadala ug usa ka sulugoon ngadto kang Elias nga nag-ingon, “Buhaton unta sa mga dios kanako, ug labaw pa usab, kon dili nako mahimo ang imong kinabuhi nga sama sa kinabuhi sa usa kanila sa pagkaugma ingon niining taknaa.”

2 Mga Hari 11:1

Sa pagkakita ni Atalia nga inahan ni Ahasias, nga ang iyang anak patay na, mitindog siya ug gilaglag niya ang tanang sakop sa harianong banay.

Esdras 1:9

Ug kini mao ang gidaghanon: 30 ka planggana nga bulawan, 1,000 ka planggana nga plata, 29 ka ubang mga kagamitan,

Mga Panultihon 1:16

kay ang ilang mga tiil nagdagan padulong sa kadaotan ug sila nagdali aron sa pag-ula ug dugo.

Mga Panultihon 29:10

Ang mga tawo nga giuhaw ug dugo nagdumot kaniya nga dili masaway, ug ang daotan nangita sa iyang kinabuhi.

Numeros 7:13

Ug ang iyang halad usa ka bandihado nga plata, nga ang gibug-aton 130 ka siklo, ug usa ka planggana nga plata nga ang gibug-aton 70 ka siklo, sumala sa siklo sa balaang dapit, ang duha puno sa pinong nga harina nga sinagolan ug lana alang sa halad nga pagkaon,

Numeros 7:19

Ingon nga iyang halad nagdala siya ug usa ka bandihado nga plata nga ang gibug-aton 130 ka siklo ug usa ka planggana nga plata nga ang gibug-aton 70 ka siklo, sumala sa siklo sa balaang dapit, ang duha puno sa pinong harina nga sinagolan ug lana alang sa halad nga pagkaon,

Mateo 14:11

Ug ang ulo ni Juan gihatod, sinulod sa bandihado ug gihatag ngadto sa dalagita ug kini iyang gidala ngadto sa iyang inahan.

Mateo 14:7

Tungod niini misaad siya uban sa usa ka panumpa nga iyang ihatag kaniya ang bisan unsa nga pangayoon niini.

Mateo 14:9

Ug nasubo ang hari apan tungod sa iyang mga panumpa ug sa iyang mga dinapit nga nangaon uban kaniya, siya misugo nga ipahatag kini.

Marcos 6:24

Unya ang dalaga migula ug nangutana sa iyang inahan, “Unsa bay akong pangayoon?” Ug siya mitubag, “Ang ulo ni Juan nga Tigbautismo.”

Marcos 6:25

Dihadiha midali siya sa pagsulod ngadto sa atubangan sa hari ug kaniya mihangyo siya nga nag-ingon, “Buot nako nga karon dayon ihatag nimo kanako ang ulo ni Juan nga Tigbautismo, sinulod sa bandihado.”

Marcos 6:28

ug gidala ang ulo nga gibutang diha sa bandihado ug gihatag kini sa dalaga ug kini gihatag usab sa dalaga ngadto sa iyang inahan.