Mateo 14:10

Ang Biblia 2011

Ug iyang gipaadtoan ug gipaputlan sa ulo si Juan sulod sa bilanggoan.

Cross References

2 Cronicas 36:16

Apan sila nagpadayon sa pagbugalbugal sa mga sinugo sa Dios ug gitamay ang iyang mga pulong ug nagbugalbugal sa iyang mga propeta hangtod nga ang kapungot sa Ginoo misilaob batok sa iyang katawhan, hangtod nga wala nay mahimo.

Jeremias 2:30

Kawang lamang ang akong paghampak sa inyong mga anak, wala nila dawata ang pagsaway; ang inyong kaugalingong espada maoy milamoy sa inyong mga propeta, sama sa usa ka manunukob nga liyon.

Mateo 14:11

Ug ang ulo ni Juan gihatod, sinulod sa bandihado ug gihatag ngadto sa dalagita ug kini iyang gidala ngadto sa iyang inahan.

Mateo 14:9

Ug nasubo ang hari apan tungod sa iyang mga panumpa ug sa iyang mga dinapit nga nangaon uban kaniya, siya misugo nga ipahatag kini.

Mateo 17:12

Apan sultihan ko kamo nga si Elias mianhi na ug wala sila makaila kaniya, hinuon ilang gibuhat ngadto kaniya ang bisan unsa nga ilang gikahimut-an. Ug sa ingon usab, ang Anak sa Tawo mag-antos unya diha sa ilang mga kamot.”

Marcos 9:13

Apan sultihan ko kamo nga si Elias mianhi na ug gibuhat nila kaniya ang bisan unsa nga ilang gusto sumala sa nasulat mahitungod kaniya.”

Lucas 9:9

Ug si Herodes miingon, “Si Juan akong gipapunggotan sa ulo apan kinsa man kini siya nga maoy akong nadunggan nianang mga butanga?” Ug naninguha siya sa pagpakigkita kang Jesus.

Gipadayag 11:7

Ug sa makatapos na sila sa ilang pagpamatuod, ang pintas nga mananap nga mogula gikan sa kahiladman makiggubat batok kanila ug buntogon niya sila ug pamatyon,