Mateo 13:57

Ang Biblia 2011

Ug sila misalikway kaniya. Apan si Jesus miingon kanila, “Ang propeta dungganan bisan diin gawas lamang sa iyang kaugalingong lungsod ug sa iyang kaugalingong panimalay.”

Cross References

Isaias 49:7

Mao kini ang giingon sa Ginoo, ang Manunubos sa Israel ug ang iyang Balaan, kaniya nga gitamay pag-ayo, gikayugtan sa mga nasod, usa ka sulugoon sa mga pangulo, “Ang mga hari makakita ug manindog, mga pangulo, ug sila mangyukbo, tungod sa Ginoo nga matinumanon, ang Balaan sa Israel nga maoy nagpili kanimo.”

Isaias 53:3

Siya gitamay ug gisalikway sa mga tawo; usa ka tawo sa mga kasub-anan, ug sinati sa kasakitan, ug ingon sa usa ka tawo nga ang mga tawo magtago sa ilang nawong gikan kaniya, siya gibiaybiay ug siya wala nato hatagi ug bili.

Isaias 8:14

Siya mahimo nga balaang puluy-anan; ug ang bato sa pagkapandol, ug bato sa pagkapukan sa duha ka balay sa Israel, usa ka lit-ag ug usa ka laang alang sa mga nagpuyo sa Jerusalem.

Mateo 11:6

Ug bulahan siya nga dili mapandol dinhi kanako.”

Mateo 13:58

Ug didto wala siya maghimo ug daghang mga milagro tungod sa ilang pagkawalay pagtuo.

Marcos 6:1

Si Jesus mibiya gikan didto ug miadto sa iyang kaugalingong lungsod ug ang iyang mga tinun-an mikuyog kaniya.

Marcos 6:14

Unya si Hari Herodes nakadungog niini, kay ang ngalan ni Jesus nabantog na man. Ug dihay mga nag-ingon, “Si Juan nga Tigbautismo gibanhaw gikan sa mga patay ug mao kanay hinungdan nga kining mga gahoma naglihok diha kaniya.”

Marcos 6:3

Dili ba siya mao man ang panday, nga anak ni Maria ug igsoon nila ni Santiago ug ni Jose ug ni Judas ug ni Simon? Ug dili ba ang iyang mga igsoong babaye ania man uban kanato?” Ug nasuko sila kaniya.

Marcos 6:4

Unya si Jesus miingon kanila, “Ang propeta dungganan gayod gawas lamang sa iyang kaugalingong lungsod ug sa iyang kaugalingong kadugo ug sa iyang kaugalingong panimalay.”

Lucas 4:24

Ug siya miingon, “Sa pagkatinuod sultihan ko kamo, walay propeta nga kahimut-an sa iyang kaugalingong lungsod.

Lucas 7:23

Ug bulahan siya nga wala mapandol kanako.”

Juan 4:44

Si Jesus gayod nagpamatuod nga ang propeta walay dungog diha sa iyang kaugalingong lungsod.

Juan 6:42

Ug sila miingon, “Dili ba kini siya mao man si Jesus, ang anak ni Jose, nga ang amahan ug inahan atong nailhan? Naunsa ba nga nag-ingon na man siya karon, ‘Ako nanaog gikan sa langit’?”

Juan 6:61

Apan sa pagkahibalo ni Jesus sulod sa iyang kaugalingon nga ang iyang mga tinun-an nagbagutbot mahitungod niini, siya miingon kanila, “Nakapaluya ba kini kaninyo?