Mateo 13:44

Ang Biblia 2011

“Ang gingharian sa langit sama sa usa ka bahandi nga gitagoan didto sa usa ka uma. Nakaplagan kini sa usa ka tawo ug iya kining gibalik pagtago ug tungod sa iyang kalipay siya milakaw ug iyang gibaligya ang tanan niyang kabtangan ug iyang gipalit ang maong uma.

Cross References

Job 28:13

Ang tawo wala masayod sa dalan padulong niini; ug kini wala makaplagi diha sa yuta sa mga buhi.

Mga Panultihon 16:16

Ang pagbaton ug kaalam maayo pa kay sa bulawan; ang pagbaton ug salabotan maayo pa nga pilion kay sa plata.

Mga Panultihon 17:16

Nganong aduna may bili diha sa kamot ang usa ka buangbuang aron sa pagpalit ug kaalam, nga wala man siyay panghunahuna?

Mga Panultihon 18:1

Siya nga dili makighugoyhugoy nangita sa iyang kaugalingong tinguha sa nagsupak sa tanang maayo nga pagpanghukom.

Mga Panultihon 23:23

Palita ang kamatuoran ug ayaw kini ibaligya; palita ang kaalam, pahimangno ug ang salabotan.

Isaias 55:1

“Kamong tanan nga giuhaw, dali ngari sa katubigan; ug siya nga walay salapi, dali, palit, ug kaon! Dali, palit ug bino ug gatas nga walay salapi ug walay bayad.

Mateo 13:24

Ug si Jesus mihatag kanila ug lain pang sambingay nga nag-ingon, “Ang gingharian sa langit sama sa usa ka tawo nga nagsabod ug maayong binhi diha sa iyang uma

Mateo 13:46

ug sa pagkakaplag niya sa usa ka perlas nga bililhon kaayo, milakaw siya ug gipamaligya ang tanan niyang kabtangan ug iyang gipalit ang maong perlas.

Mateo 13:47

“Usab, ang gingharian sa langit sama sa usa ka pukot nga gitaktak ngadto sa dagat ug nakakuha ug nagkalainlaing matang sa isda.

Mateo 19:21

Si Jesus miingon kaniya, “Kon buot kang mahingpit, lakaw, ibaligya ang imong kabtangan ug ang halin ihatag sa mga kabos ug makabaton ikaw ug bahandi didto sa langit; unya balik ug sunod kanako.”

Mateo 19:27

Unya si Pedro mitubag nga nag-ingon, “Tan-awa, gibiyaan namo ang tanan ug misunod kami kanimo. Unsa man diay ang among mapaabot?”

Mateo 19:29

Ug ang tanan nga nagbiya sa mga balay o mga igsoong lalaki o mga igsoong babaye o amahan o inahan o mga anak o kayutaan tungod sa akong ngalan, makadawat ug usa ka gatos ka pilo, ug makapanunod sa kinabuhing dayon.

Mateo 6:21

Kay hain gani ang imong bahandi, anaa usab diha ang imong kasingkasing.

Lucas 14:33

Busa si bisan kinsa kaninyo nga dili mobiya sa tanan nga anaa kaniya, dili mahimo nga akong tinun-an.

Juan 6:35

Si Jesus mitubag kanila, “Ako mao ang pan sa kinabuhi. Siya nga moari kanako dili gutomon, ug siya nga motuo kanako dili gayod uhawon.

Roma 15:4

Kay bisan unsay nasulat kaniadto, gisulat alang sa pagtudlo kanato aron nga pinaagi sa pailob ug pinaagi sa pagdasig gikan sa kasulatan, makabaton unta kita ug paglaom.

Mga Taga-Colosas 2:3

Diha kaniya natago ang tanang bahandi sa kaalam ug kahibalo.

Mga Taga-Colosas 3:16

Ang pulong ni Cristo papuy-a nga madagayaon gayod diha kaninyo, magtudlo ug magtambag kamo sa usa ug usa pinaagi sa tanang kaalam, ug mag-awit kamo ug mga salmo ug mga alawiton ug mga awit nga espirituhanon uban ang pagkamapasalamaton diha sa inyong mga kasingkasing ngadto sa Dios.

Mga Hebreo 10:34

Kay kamo may kaluoy man sa mga binilanggo, ug gikalipay ninyo nga sakmitan sa inyong katigayonan, kay inyo mang nahibaloan nga kamo adunay usa ka labaw pa ka maayong bahandi ug nga kini molungtad.

Gipadayag 3:18

Busa tambagan ko ikaw nga gikan kanako magpalit ikaw ug bulawan nga gilunsay sa kalayo aron madato ikaw, ug mga puting bisti nga imong ikasul-ob aron dili madayag ang pagkamakauulaw sa imong pagkahubo, ug tambal nga idapat sa imong mga mata aron ikaw makakita.