Mateo 13:42

Ang Biblia 2011

ug ilang itambog sila ngadto sa hudno nga nagdilaab. Didto ang mga tawo manghilak ug magkagot ang ilang mga ngipon.

Cross References

2 Samuel 23:7

apan ang tawo nga magtandog kanila, kinahanglan nga sangkap sa hinagiban nga puthaw ug puan sa usa ka bangkaw; ug sila sunogon gayod paghurot sa kalayo diha sa ilang nahimutangan.”

Salmo 21:9

Himoon nimo sila nga nagdilaab nga hudno sa diha nga ikaw magpakita. Ang Ginoo molamoy kanila sa iyang kapungot; ug ang kalayo mohurot kanila.

Daniel 3:6

Si bisan kinsa nga dili mohapa ug mosimba itambog dayon ngadto sa hudno nga nagdilaab sa kalayo.”

Mateo 13:50

Ilang ilabay ang mga daotan ngadto sa hudno nga nagdilaab ug didto ang mga tawo manghilak ug magkagot ang ilang mga ngipon.

Mateo 22:13

Ug ang hari miingon sa iyang mga sulugoon, ‘Gaposa ninyo ang iyang mga tiil ug mga kamot ug itambog siya ngadto sa kangitngitan sa gawas. Didto ang mga tawo manghilak ug magkagot ang ilang mga ngipon.’

Mateo 25:41

“Unya ang Hari moingon kanila nga diha sa iyang wala, ‘Pahawa gikan kanako, kamong mga tinunglo, ngadto sa kalayong walay kataposan nga gitagana alang sa yawa ug sa iyang mga anghel,

Mateo 3:12

Ang iyang igpapalid anaa na sa iyang kamot, limpyohan niya ang iyang giokanan ug hiposon niya ang iyang trigo ngadto sa kamalig, apan ang mga uhot iyang sunogon sa kalayo nga walay pagkapalong.”

Mateo 8:12

apan ang mga anak sa gingharian abogon ngadto sa kangitngit didto sa gawas. Didto ang mga tawo manghilak ug magkagot ang ilang mga ngipon.”

Lucas 13:28

Ug didto manghilak kamo ug magkagot ang inyong mga ngipon sa dihang makita ninyo si Abraham ug si Isaac ug si Jacob ug ang tanang mga propeta diha sa sulod sa gingharian sa Dios, ug kamo mismo abogon ngadto sa gawas.

Gipadayag 14:10

siya usab makainom sa bino sa kapungot sa Dios nga tagayon nga walay sagol diha sa kupa sa iyang kasuko, ug siya sakiton pinaagi sa kalayo ug asupri diha sa atubangan sa mga balaang anghel ug sa atubangan sa Nating Karnero.

Gipadayag 19:20

Ug nadakpan ang bangis nga mananap, ug uban kaniya nadakpan ang mini nga propeta nga mao ang naghimo sa mga milagro diha sa iyang atubangan, nga pinaagi niini gipahisalaag niya ang mga nakadawat sa patik sa mapintas nga mananap ug ang mga nagsimba sa iyang larawan. Kining duha gitambog nga buhi ngadto sa linaw nga kalayo nga nagdilaab sa asupri.

Gipadayag 20:10

Ug ang yawa nga nagpahisalaag kanila gitambog ngadto sa linaw nga kalayo ug asupri diin atua ang bangis nga mananap ug ang mini nga propeta, ug didto sakiton sila adlaw ug gabii hangtod sa kahangtoran.

Gipadayag 21:8

Apan alang sa mga talawan, sa mga walay pagtuo, sa mga dulumtanan, sa mga mamumuno, ug sa mga makihilawason, sa mga salamangkiro ug sa mga nagsimba ug mga diosdios, ug sa tanang mga bakakon, ang ilang bahin anaa sa linaw nga nagdilaab sa kalayo ug asupri, nga mao ang ikaduhang kamatayon.”

Gipadayag 9:2

Iyang gibuksan ang kahiladman, ug gikan sa bung-aw misulbong ang aso nga daw aso sa usa ka dakong hudno, ug mingiob ang adlaw ug ang kalangitan tungod sa aso gikan sa bung-aw.