Mateo 13:3

Ang Biblia 2011

Ug daghan ang gisulti niya kanila pinaagi ug mga sambingay nga nag-ingon, “Usa ka magpupugas miadto aron sa pagsabod ug binhi.

Cross References

Salmo 49:4

Akong ikiling ang akong igdulungog ngadto sa usa ka sambingay; akong hubaron ang akong tigmo uban sa huni sa alpa.

Salmo 78:2

Bukhon nako ang akong baba sa usa ka sambingay; magsulti ako ug mga butang nga natago sukad sa karaang panahon,

Ezequiel 17:2

“Anak sa tawo, pagpagula sa usa ka tigmo, ug pagsulti ug usa ka sambingay ngadto sa panimalay sa Israel,

Ezequiel 20:49

Unya miingon ako, “Ah Ginoong Dios! Sila nag-ingon mahitungod kanako, ‘Dili ba siya usa ka tigsulti ug mga sambingay?’ ”

Miqueas 2:4

Nianang adlawa sila magbiaybiay kaninyo ug magbakho uban ang pait nga pagbangutan, ug moingon, “Kami nagun-ob gayod; giusab niya ang bahin sa akong katawhan; naunsa nga gikuha man kini gikan kanako! Sa mga nagbihag kanamo gibahin niya ang among kaumahan.”

Habacuc 2:6

Dili ba kining tanan motamay ug mobiaybiay kaniya, ug moingon, “Alaot siya nga nagtapok niadtong dili iya— hangtod kanus-a?— ug magkarga sa iyang kaugalingon sa mga garantiya!”

Mateo 13:4

Ug sa iyang pagsabod may mga binhi nga nahulog sa daplin sa dalan ug ang mga langgam midugok ug mituka sa binhi.

Mateo 13:53

Sa pagkahuman ni Jesus niining mga sambingaya, siya mibiya gikan didto.

Mateo 22:1

Unya misulti pag-usab si Jesus kanila pinaagi sa mga sambingay nga nag-ingon,

Mateo 24:32

“Gikan sa kahoyng igera tun-i ninyo kining usa ka sambingay: inigpanglunhaw sa iyang mga sanga ug manalingsing na, masayran ninyo nga duol na ang ting-init.

Marcos 12:1

Unya misugod siya sa pagsulti kanila pinaagi ug mga sambingay. “Dihay usa ka tawo nga nagtanom ug parasan ug gipalibotan niya kini ug paril, ug nagkalot siya alang sa pigsanan sa ubas, ug nagbuhat siya ug usa ka lantawan, ug iyang gipasaopan ngadto sa mga tawo, ug unya milangyaw siya ngadto sa laing dapit.

Marcos 12:12

Unya misulay sila sa pagdakop kaniya, apan nahadlok sila sa daghang katawhan, kay nakasabot man sila nga batok kanila ang sambingay nga gisugilon niya. Busa mibiya sila kaniya ug nanglakaw.

Marcos 3:23

Ug gitawag niya sila ngadto kaniya ug pinaagig mga sambingay misulti siya kanila, “Unsaon ba ni Satanas paghingilin kang Satanas?

Marcos 4:13

Ug siya miingon kanila, “Wala ba diay kamo makasabot niining sambingaya? Unsaon man diay ninyo pagkasabot sa tanang mga sambingay?

Marcos 4:33

Pinaagi sa daghang mga sambingay nga sama niini, ang pulong gisulti ni Jesus ngadto kanila, sumala sa ilang katakos sa pagsabot niini.

Lucas 12:41

Ug si Pedro miingon, “Ginoo, nagsugilon ka ba niining sambingaya alang kanamo o alang sa tanan?”

Lucas 8:10

siya miingon, “Kaninyo gitugot ang pagsabot sa mga tinagoan mahitungod sa gingharian sa Dios, apan alang sa uban kini gipaagi ug mga sambingay, aron ‘kon motan-aw sila, dili sila makakita ug kon mamati sila, dili sila makasabot.’

Juan 16:25

“Kining mga butanga gisulti nako kaninyo pinaagi sa mga sambingay apan moabot ang panahon nga ako dili na magsulti kaninyo pinaagi sa mga sambingay kondili magsugilon kaninyo sa dayag gayod mahitungod sa Amahan.