Mateo 13:23

Ang Biblia 2011

Mahitungod sa nahisabod diha sa maayong yuta, kini mao kadtong nakadungog sa pulong ug nakasabot niini. Kini siya mamunga gayod ug maghatag ug abot, sa usa ka higayon usa ka gatos ka pilo, ug sa lain 60, ug sa lain 30.”

Cross References

Ezequiel 18:31

Isalikway gikan kaninyo ang tanan ninyong kalapasan nga inyong gihimo batok kanako, ug bag-oha ninyo ang inyong kasingkasing ug bag-oha ang inyong espiritu! Kay ngano ba nga mamatay kamo, O balay sa Israel?

Ezequiel 36:26

Hatagan ko kamo ug usa ka bag-o nga kasingkasing, ug ibutang nako sa sulod ninyo ang usa ka bag-ong espiritu. Kuhaon nako ang kasingkasing nga bato gikan sa inyong unod, ug hatagan kamo nako ug usa ka kasingkasing nga unod.

Mateo 12:33

“Mahimong himoon ninyong maayo ang kahoy, ug maayo ang bunga niini, o himoon ba ninyong walay pulos ang kahoy ug mawalay pulos ang bunga niini, kay ang kahoy maila pinaagi sa bunga niini.

Mateo 13:8

Apan ang ubang mga binhi nahulog sa maayong yuta ug kini namunga, may namunga ug tagsa ka gatos ka pilo, ang uban 60 ug ang uban 30.

Mateo 3:10

Bisan gani karon ang wasay gitaon na diha sa gamot sa mga kahoy, busa ang matag kahoy nga wala mamunga ug maayong bunga putlon ug itambog ngadto sa kalayo.

Mateo 3:8

Pamunga kamo ug mga bunga nga takos sa paghinulsol

Marcos 10:15

Sa pagkatinuod, sultihan ko kamo nga si bisan kinsa nga dili modawat sa gingharian sa Dios sama sa pagdawat sa usa ka gagmayng bata, dili gayod siya makasulod niini.”

Marcos 4:20

Ug mao kini sila ang mga gikasabod diha sa maayong yuta, kadtong nakadungog sa pulong ug midawat niini ug namunga ug 30 ka pilo ug 60 ka pilo ug 100 ka pilo.”

Lucas 13:9

Ug kon mamunga kini sa sunod tuig, maayo. Apan kon dili, mahimo nga imong putlon.’ ”

Lucas 8:15

Apan kadtong diha sa maayong yuta, mao kadto sila nga sa ilang pagkadungog sa pulong misagop niini uban sa matinud-anon ug maayong kasingkasing, ug namunga uban ang pailob.

Lucas 8:8

Ug ang uban nangahulog ngadto sa maayong yuta ug mitubo ug namunga ug usa ka gatos ka pilo.” Sa iyang pagsulti niini, miingon siya sa kusog nga tingog, “Ang mga may dalunggan nga makadungog kinahanglang magpatalinghog.”

Juan 15:16

Kamo wala magpili kanako apan ako ang nagpili kaninyo ug nagtahas kaninyo aron manglakaw kamo ug mamunga ug bunga nga molungtad, aron nga ang bisan unsa nga inyong pangayoon gikan sa Amahan pinaagi sa akong ngalan, ihatag kaninyo.

Juan 8:47

Siya nga gikan sa Dios mamati sa mga pulong sa Dios. Busa dili kamo mamati kay kamo dili man gikan sa Dios.”

Mga Buhat 16:14

Ug usa sa naminaw kanamo mao ang usa ka babaye nga ginganlan ug Lydia nga taga-lungsod sa Tiatira, nga tigbaligya ug mga mahalong panapton nga tapol. Siya masimbahon sa Dios, ug ang iyang kasingkasing giablihan sa Ginoo aron sa pagpamati sa gisulti ni Pablo.

Mga Buhat 17:11

Unya kini nga mga Judio ligdong pa kay sa mga Judio didto sa Tesalonica kay sila midawat sa pulong uban sa bug-os nga kaikag, matag adlaw nagsusi sa kasulatan kon tinuod ba kining mga butanga.

2 Mga Taga-Corinto 9:10

Siya nga naghatag sa binhi ngadto sa magpupugas ug sa pan aron kaonon maghatag kaninyo ug binhi ug magpadaghan niini ug magpadaghan sa mga bunga sa inyong pagkamatarong.

Mga Taga-Filipos 1:11

puno sa mga bunga sa pagkamatarong pinaagi kang Jesu-Cristo, alang sa himaya ug pagdayeg sa Dios.

Mga Taga-Filipos 4:17

Dili nga nagtinguha ako sa gasa kondili nagtinguha sa bunga nga nadugang sa inyong kaayohan.

Mga Taga-Colosas 1:10

aron kamo magkinabuhi nga takos sa Ginoo, hingpit nga kahimut-an niya, magmabungahon sa tanang mga maayong buhat ug magtubo sa kahibalo mahitungod sa Dios.

Mga Taga-Colosas 1:6

nga miabot kaninyo. Ingon nga kini namunga gayod ug nagmalamboon sa tibuok kalibotan mao usab diha kaninyo, sukad pa niadtong adlaw nga nakadungog ug nakasabot kamo sa grasya sa Dios diha sa kamatuoran,

1 Mga Taga-Tesalonica 4:1

Sa kataposan, mga igsoon, kami naghangyo ug nagdasig kaninyo diha sa Ginoong Jesus, sama nga kamo nakakat-on man gikan kanamo unsaon sa pagkinabuhi ug sa pagpahimuot sa Dios, sumala sa inyo nang gibuhat karon, nga unta molabaw pa gayod ang inyong pagbuhat niini.

2 Mga Taga-Tesalonica 2:10

ug uban sa tanang limbong sa pagkadili matarong nila nga nagkalaglag, tungod kay sila nagdumili sa paghigugma sa kamatuoran aron unta mangaluwas sila.

Mga Hebreo 4:2

Kay kita nasangyawan man usab sa Maayong Balita sama kanila, hinuon ang pulong nga ilang nadungog wala magpulos kanila, kay ang mga nakadungog niini wala man modawat niini uban sa pagtuo.

Mga Hebreo 6:7

Kay ang yuta nga nakasuyop na sa ulan nga kanunayng nangatagak niini ug nagpatubo sa mga tanom nga kapuslan sa mga tawo nga alang kanila giugmad kini, magdawat ug panalangin gikan sa Dios.

Mga Hebreo 8:10

Kay mao kini ang kasabotan nga akong himoon uban sa balay ni Israel human niadtong mga adlawa, nag-ingon ang Ginoo: Ibutang nako ang akong mga balaod sulod sa ilang mga salabotan, ug isulat nako kini diha sa ilang mga kasingkasing, ug ako mahimo nga ilang Dios, ug sila mahimo nga akong katawhan.

2 Pedro 3:18

Apan kinahanglan nga motubo kamo diha sa grasya ug sa kahibalo sa atong Ginoo ug Manluluwas nga si Jesu-Cristo. Kaniya ang himaya karon ug hangtod sa kahangtoran. Amen.

1 Juan 5:20

Ug kita nasayod nga ang Anak sa Dios mianhi ug mihatag kanato ug salabotan aron kita makaila kaniya nga mao ang matuod ug kita anaa kaniya nga mao ang matuod, diha sa iyang Anak nga si Jesu-Cristo. Kini mao ang matuod nga Dios ug kinabuhi nga dayon.