Mateo 13:11

Ang Biblia 2011

Mitubag siya nga nag-ingon, “Tungod kay kaninyo gitugot ang pagkahibalo sa mga tinago sa gingharian sa langit apan kanila wala kini itugot.

Cross References

Salmo 25:14

Ang pagpakighigala sa Ginoo ila niadtong may kahadlok kaniya, ug siya magpadayag kanila sa iyang kasabotan.

Isaias 29:10

Kay ang Ginoo nagbubo ibabaw kaninyo ug espiritu sa paghinanok; ug nagpapiyong sa inyong mga mata, kamong mga propeta, ug nagtabon sa inyong mga ulo, kamong mga tigpanagna.

Isaias 29:11

Ug alang kaninyo ang panan-awon mahitungod niining tanan nahimo sama sa mga pulong sa usa ka basahon nga sinilyohan. Sa diha nga ang mga tawo maghatag niini ngadto sa makamaong mobasa nga nag-ingon, “Basaha kini,” siya moingon, “Dili ako makahimo, kay kini sinilyohan.”

Isaias 35:8

Didto may usa ka lapad nga dalan, ug kini tawgon nga Balaang Dalan, ang hugaw dili moagi sa ibabaw niini, ug ang buangbuang dili mangasayop diha niini.

Mateo 13:10

Unya miduol ang mga tinun-an ug miingon kaniya, “Nganong pinaagi man sa mga sambingay ang imong pagsulti kanila?”

Mateo 16:17

Kaniya mitubag si Jesus nga nag-ingon, “Bulahan ikaw, Simon, anak ni Jonas! Kay dili unod ug dugo ang nagpadayag kanimo niini, kondili ang akong Amahan nga anaa sa langit.

Mateo 19:11

Apan siya miingon kanila, “Dili ang tanang tawo makadawat niining sultiha kondili sila lamang nga gihatagan sa katakos sa paghimo niini.

Mateo 20:23

Siya miingon kanila, “Kamo moinom gayod sa akong kupa apan ang pagpalingkod dapit sa akong tuo ug sa akong wala, dili akoa ang pagtugot apan kini alang lamang kanila nga gitagan-an niini sa akong Amahan.”

Marcos 10:40

apan ang paglingkod dapit sa akong tuo o sa akong wala, dili akoa ang pagtugot, kini alang lamang kanila nga gitagan-an niini.”

Marcos 4:11

Ug siya miingon kanila, “Kaninyo gihatag ang tinago mahitungod sa gingharian sa Dios apan kanila nga anaa sa gawas, ang tanan ipaagi sa mga sambingay,

Lucas 8:10

siya miingon, “Kaninyo gitugot ang pagsabot sa mga tinagoan mahitungod sa gingharian sa Dios, apan alang sa uban kini gipaagi ug mga sambingay, aron ‘kon motan-aw sila, dili sila makakita ug kon mamati sila, dili sila makasabot.’

Juan 6:65

Ug siya miingon, “Tungod niini giingnan ko kamo nga walay si bisan kinsa nga makaari kanako gawas kon itugot kini kaniya sa Amahan.”

Juan 7:17

Kon buot ni bisan kinsa ang pagbuhat sa kabubut-on sa Dios, kinahanglang mahibaloan niya kon ang gitudlo gikan ba sa Dios o nagsulti ba lamang ako gikan sa akong kaugalingon.

Mga Buhat 16:14

Ug usa sa naminaw kanamo mao ang usa ka babaye nga ginganlan ug Lydia nga taga-lungsod sa Tiatira, nga tigbaligya ug mga mahalong panapton nga tapol. Siya masimbahon sa Dios, ug ang iyang kasingkasing giablihan sa Ginoo aron sa pagpamati sa gisulti ni Pablo.

Roma 11:25

Mga igsoon, basin unya ug magpakamaalamon kamo sa inyong kaugalingon busa buot nakong makasabot kamo niining maong misteryo: ang kagahi miabot sa usa ka bahin sa Israel hangtod sa panahon nga ang pagkahingpit sa mga Gentil moabot na,

Roma 16:25

Ngadto kaniya nga makahimo paglig-on kaninyo sumala sa akong Maayong Balita ug sa pagsangyaw kang Jesu-Cristo, sumala sa pagpadayag sa misteryo nga gitipigan sa hilom sulod sa taas nga panahon

1 Mga Taga-Corinto 13:2

Ug kon ako adunay gahom pagpropesiya, ug makasabot sa tanang mga misteryo ug sa tanang kahibalo, ug kon ako adunay hingpit nga pagtuo nga makapabalhin ug mga bukid, apan walay gugma, ako walay kapuslanan.

1 Mga Taga-Corinto 15:51

Pamati, isulti nako kaninyo ang usa ka tinago. Dili kitang tanan mangamatay, apan kitang tanan mangausab,

1 Mga Taga-Corinto 2:14

Ang tawo nga kalibotanon dili modawat sa mga butang sa Espiritu sa Dios, kay alang kaniya kini mga binuang, ug siya dili makahimo pagsabot niini tungod kay kini matugkad lamang sa espirituhanon nga paagi.

1 Mga Taga-Corinto 2:7

Apan ang among gisulti kaalam sa Dios nga tinagong misteryo nga gitakda nang daan sa Dios sa wala pa ang kapanahonan alang sa atong kahimayaan.

1 Mga Taga-Corinto 4:1

Busa ipaisip kami sa tawo ingon nga mga sulugoon ni Cristo ug mga piniyalan sa mga misteryo sa Dios.

1 Mga Taga-Corinto 4:7

Kay kinsa bay naghimo kanimo nga lahi? Ug unsa bay anaa kanimo nga wala nimo madawat? Ug kon ikaw nakadawat, nganong manghambog man ikaw nga daw wala makadawat?

Mga Taga-Efeso 1:18

ingon nga gilamdagan ang mga mata sa inyong kasingkasing, aron inyong masayran kon unsa ang paglaom diha sa iyang pagtawag kaninyo, kon unsa ang mga bahandi sa iyang mahimayaong panulundon diha sa mga balaan,

Mga Taga-Efeso 1:9

iyang gipahibalo kanato ang tinago mahitungod sa iyang kabubut-on, sumala sa iyang maayong tuyo nga gilaraw niya diha kang Cristo

Mga Taga-Efeso 5:32

Kini usa ka dakong misteryo, apan ako nagsulti mahitungod kang Cristo ug sa iglesia.

Mga Taga-Efeso 6:19

ug alang kanako usab aron unta ihatag ngari kanako ang mga igsusulti aron mosulti ako uban sa kaisog, aron ipahibalo ang misteryo sa Maayong Balita.

Mga Taga-Colosas 2:2

aron ang ilang kasingkasing malig-on sa dihang mahiusa sila diha sa gugma, aron makabaton sila sa tanang bahandi sa kasaligan nga pagpanabot ngadto sa kahibalo mahitungod sa misteryo sa Dios mahitungod kang Cristo.

1 Timoteo 3:16

Ug dili malalis nga dako gayod ang misteryo sa pagkadiosnon: Siya nadayag diha sa lawas, namatud-an nga matarong diha sa Espiritu, nakita sa mga anghel, gisangyaw taliwala sa kanasoran, gituohan dinhi sa kalibotan, gibayaw ngadto sa himaya.

1 Timoteo 3:9

Kinahanglan nga magbaton sila sa misteryo sa pagtuo uban sa hinlo nga tanlag.

Santiago 1:5

Kon aduna man kaninyoy nakulangan ug kaalam, papangayoa siya sa Dios nga naghatag nga madagayaon ngadto sa tanang tawo ug sa walay pagpamuyboy, ug kini ihatag kaniya.

1 Juan 2:20

Apan kamo gidihogan na niya nga Balaan, ug kamong tanan nahibalo na.

1 Juan 2:27

hinuon ang pagdihog nga inyong nadawat gikan kaniya nagpabilin diha kaninyo ug kamo wala magkinahanglan nga aduna pay magtudlo kaninyo, ug ingon nga ang iyang pagdihog kaninyo nagtudlo man kaninyo mahitungod sa tanang butang, ug matuod kini ug dili bakak, sumala sa gitudlo niya kaninyo, pabilin kamo diha kaniya.