Mateo 12:7

Ang Biblia 2011

Ug kon nakasabot pa unta kamo sa kahulogan niini, ‘Kaluoy ang akong gitinguha, dili ang halad,’ dili unta ninyo pakasad-on ang mga walay sala.

Cross References

Job 32:3

Nasuko usab siya sa tulo ka higala ni Job tungod kay wala sila makakita ug tubag, bisan ug napadayag nila nga si Job anaa sa kasaypanan.

Salmo 109:31

Kay siya nagbarog diha sa tuong kamot sa nanginahanglan, aron sa pagluwas kaniya gikan sa mga naghukom kaniya ngadto sa kamatayon.

Salmo 94:21

Naghiusa sila batok sa kinabuhi sa matarong, ug gihukman nila nga patyon ang walay sala.

Mga Panultihon 17:15

Siya nga maghimong matarong sa daotan ug siya nga maghukom sa matarong managsama nga dulumtanan sa Ginoo.

Oseas 6:6

Kay ako nagtinguha sa gugmang walay paglubad ug dili sa halad nga inihaw, sa kahibalo mahitungod sa Dios kay sa mga halad nga sunogon.

Mateo 22:29

Apan mitubag kanila si Jesus nga nag-ingon, “Nangasayop kamo kay wala kamo mahibalo sa kasulatan o sa gahom sa Dios.

Mateo 9:13

Lakaw ug tun-i ninyo ang kahulogan niini, ‘Kaluoy ang gitinguha nako, dili ang halad’ kay ako mianhi dili sa pagtawag sa mga matarong, kondili sa mga makasasala.”

Marcos 12:33

Ug ang paghigugma kaniya sa tibuok nga kasingkasing, ug sa tibuok nga salabotan, ug sa tibuok nga kusog, ug ang paghigugma sa silingan sama sa kaugalingon, kini labaw pa kaayo kay sa tanang mga halad nga sunogon ug ubang mga halad.”

Mga Buhat 13:27

Kay ang mga nagpuyo sa Jerusalem ug ang ilang mga pangulo, tungod kay wala man sila makaila kaniya ug wala makasabot sa mga gisulti sa mga propeta nga gibasa matag adlaw nga igpapahulay, nagtuman niini pinaagi sa paghukom kaniya.

Santiago 5:6

Kamo naghukom, inyong gipatay ang matarong nga wala mosukol kaninyo.

Josue 5:5

Bisan ug ang tanang tawo nga nanggula natuli na, apan kadtong tanan nga didto matawo sa ilang pagpanglakaw sa kamingawan sa nakagula na sila gikan sa Ehipto, wala matuli.

1 Samuel 15:22

Ug si Samuel miingon, “Aduna bay dakong kalipay ang Ginoo diha sa mga halad nga sunogon ug sa mga inihaw kay sa pagtuman sa tingog sa Ginoo? Timan-i, ang pagtuman labaw pang maayo kay sa inihaw, ug ang pagpamati kay sa tambok sa mga laking karnero.