Mateo 12:4

Ang Biblia 2011

Misulod siya sa balay sa Dios ug mikaon sa mga pan nga gihalad diha sa halaran bisan supak sa balaod ang pagkaon niya niini ug sa iyang mga kauban kay kini alang man lamang sa mga pari.

Cross References

Exodo 25:30

Ug ang pan nga ihalad sa akong atubangan ibutang ibabaw sa lamisa sa akong atubangan sa kanunay.

Levitico 8:31

Ug si Moises miingon kang Aaron ug sa iyang mga anak nga lalaki, “Lutoa ninyo ang unod didto sa pultahan sa Tolda nga Tagboanan ug kaonon ninyo kini didto uban sa mga pan nga anaa sa bukag sa halad alang sa paggahin ingon nga ako nagsugo nga nag-ingon, ‘Si Aaron ug ang iyang mga anak nga lalaki magkaon niini.’

Mateo 12:3

Siya miingon kanila, “Wala ba kamo makabasa mahitungod sa gibuhat ni David, sa dihang gigutom siya ug ang iyang mga kauban?

Mateo 12:5

O wala ba ninyo mabasa sa Balaod nga sa adlawng igpapahulay ang mga pari sulod sa Templo nagpasipala man sa adlaw nga igpapahulay apan wala sila pakasad-a niini?

Marcos 2:26

Sa dihang si Abiatar mao pa ang labawng pangulong pari, si David misulod sa balay sa Dios ug mikaon sa pan nga gibutang sa atubangan sa Dios, ug nanghatag usab siya niini ngadto sa iyang mga kauban bisan ug supak sa balaod ang pagkaon niini ni bisan kinsa gawas sa mga pari lamang.”

Lucas 6:4

naunsa nga misulod man siya sa balay sa Dios ug mikuha ug mikaon sa pan nga hinalad ug nanghatag usab niini ngadto kanila nga uban kaniya nga supak man unta sa balaod ang pagkaon niini ni bisan kinsa gawas sa mga pari?”

Mga Hebreo 9:2

Kay dihay gitukod nga usa ka tolda, kadtong una, diin didto ang lamparahan ug ang lamisa ug ang mga pan nga gibutang sa atubangan sa Dios, gitawag ug Dapit nga Balaan.

1 Samuel 21:4

Ug ang pari mitubag kang David, “Walay naandan nga pan nga ania sa akong kamot, apan may balaan nga pan kon ang mga batan-ong lalaki nagpalayo pa lamang gikan sa mga babaye.”

1 Samuel 21:6

Busa ang pari mihatag kaniya sa balaan nga pan kay walay laing pan didto gawas sa pan nga nahimutang sa atubangan sa Dios, nga gikuha gikan sa atubangan sa Ginoo, aron ilisan ug init nga pan sa adlaw nga kini kuhaon.