Mateo 11:5

Ang Biblia 2011

ang mga buta makakita na ug ang mga bakol makalakaw na ug ang mga sanlahon nahinloan ug ang mga bungol makabati na ug ang mga patay gipamanhaw ug ang mga kabos giwalihan sa Maayong Balita.

Cross References

2 Mga Hari 5:14

Busa siya miadto ug mitunlob sa iyang kaugalingon sa makapito didto sa Jordan, sumala sa pulong sa tawo sa Dios, ug ang iyang lawas naulian sama sa lawas sa gamayng bata ug siya nahinlo.

2 Mga Hari 5:7

Ug sa pagkabasa sa hari sa Israel sa sulat, iyang gigisi ang iyang mga bisti, ug miingon, “Dios ba ako nga magpatay o magbanhaw, nga kining tawhana nagpadala man kanako ug pulong aron sa pag-ayo sa usa ka tawo gikan sa iyang sanla? Palandonga lamang ug tan-awa kon giunsa niya pagpangita ug bikil batok kanako.”

Salmo 146:8

ang Ginoo nagpabuka sa mga mata sa mga buta. Ang Ginoo nagpatindog niadtong mga nagsukamod; ang Ginoo nahigugma sa mga matarong.

Salmo 22:26

Ang kabos magkaon ug mabusog; magdayeg sa Ginoo ang nangita kaniya! Molungtad unta ang inyong kasingkasing hangtod sa kahangtoran!

Exodo 4:11

Unya ang Ginoo miingon kaniya, “Kinsa ba ang nagbuhat sa baba sa tawo? Kinsa ba ang naghimo sa tawo nga amang o bungol o makakita o buta? Dili ba ako man, ang Ginoo?

Isaias 29:18

Nianang adlawa ang bungol makadungog sa mga pulong sa basahon, ug gikan sa kadulom ug gikan sa kangitngit. ang mga mata sa buta makakita.

Isaias 29:19

Ang mga maaghop makabaton ug bag-o nga kalipay diha sa Ginoo, ug ang mga kabos sa mga tawo magmaya sa Balaan sa Israel.

Isaias 43:8

Dad-a ang katawhan nga mga buta bisan ug adunay mga mata, ug ang mga bungol bisan ug adunay mga dalunggan!

Isaias 66:2

Kining tanang mga butanga gibuhat sa akong kamot, busa kining tanang mga butanga akoa, nag-ingon ang Ginoo. Apan kini mao ang tawo nga akong tan-awon, siya nga mapaubsanon ug mahinulsolon sa espiritu, ug nagkurog tungod sa akong pulong.

Zacarias 11:7

Busa nahimo akong tigbantay sa mga karnero nga ihawonon alang niadtong mga tigbaligya ug karnero. Ug mikuha ako ug duha ka sungkod, ang usa akong ginganlan ug Grasya, ug ang usa ginganlan nako ug Panaghiusa. Ug akong giatiman ang mga karnero.

Mateo 10:8

Ayoha ninyo ang mga masakiton, banhawa ang mga patay, hinloi ang mga sanlahon, pagulaa ang mga demonyo. Nakadawat kamo nga walay bayad, panghatag nga walay bayad.

Mateo 11:4

Mitubag si Jesus kanila nga nag-ingon, “Adtoa ug suginli ninyo si Juan sa inyong nadungog ug nakita:

Mateo 12:13

Unya si Jesus miingon sa tawo, “Ituy-od ang imong kamot.” Ug gituy-od niya ang iyang kamot ug naulian kini, maayo na sama sa usa.

Mateo 21:14

Ug didto sa Templo miduol kaniya ang mga buta ug mga bakol, ug giayo niya sila.

Mateo 5:3

“Bulahan ang mga kabos sa espiritu kay ila ang gingharian sa langit.

Mateo 9:30

Ug nabuka ang ilang mga mata. Ug sa hugot gayod si Jesus mipasidaan kanila nga nag-ingon, “Tan-awa nga walay si bisan kinsa nga mahibalo niini.”

Marcos 7:37

Nahibulong sila pag-ayo nga nag-ingon, “Maayo ang tanan niyang nabuhat! Bisan gani ang bungol iyang gihimo nga makadungog na ug ang amang nga makasulti na.”

Marcos 9:25

Sa pagkakita ni Jesus nga may panon sa katawhan nga nagdungan sa pagpangabot nga nagdagan, gibadlong niya ang hugaw nga espiritu ug iyang giingnan, “Ikaw espiritu nga amang ug bungol, nagsugo ako kanimo, gula gikan kaniya ug ayaw na pagsulod kaniya pag-usab.”

Lucas 4:18

“Ang Espiritu sa Ginoo ania kanako, iya akong gidihogan aron sa pagwali sa Maayong Balita ngadto sa mga kabos. Gipadala niya ako aron sa pagpahibalo sa kagawasan alang sa mga binilanggo ug sa pagpahiuli sa panan-aw sa mga buta, sa paghatag ug kagawasan ngadto sa mga dinaogdaog,

Juan 10:25

Ug kanila mitubag si Jesus nga nag-ingon, “Gitug-anan na kamo nako apan wala kamo motuo. Ang mga buhat nga akong gihimo sa ngalan sa akong Amahan nagpamatuod mahitungod kanako.

Juan 10:38

apan kon nagbuhat man ako niini bisan kon dili kamo motuo kanako, tuohi ninyo ang mga buhat aron kamo mahibalo ug makasabot nga ang Amahan ania kanako ug ako anaa sa Amahan.”

Juan 2:23

Samtang didto siya sa Jerusalem panahon sa Kasaulogan sa Pagsaylo, daghan ang mituo sa iyang ngalan sa pagkakita nila sa mga milagro nga iyang gibuhat.

Juan 3:2

Kini siya miadto kang Jesus sa gabii ug miingon kaniya, “Rabi, nasayod kami nga ikaw usa ka magtutudlo nga gikan sa Dios, kay wala gayoy makahimo niining mga milagro nga imong gihimo gawas lamang kon ang Dios anaa uban kaniya.”

Juan 5:36

Apan ako adunay pagpamatuod nga dako pa kay sa gihimo ni Juan kay ang buluhaton nga gipiyal kanako sa Amahan aron akong taposon, kining maong buluhaton nga akong gihimo, nagpamatuod mahitungod kanako nga ang Amahan nagpadala kanako.

Juan 9:7

ug giingnan siya, “Lakaw, panghilam-os didto sa linaw sa Siloam” (nga sa ato pa, Pinadala). Ug siya miadto ug nanghilam-os ug mibalik siya nga nakakita na.

Mga Buhat 2:22

“Mga tawo sa Israel, pamatia ninyo kining mga pulonga: si Jesus nga Nazaretnon, tawo nga gipamatud-an kaninyo sa Dios pinaagi sa gamhanang mga buhat ug mga kahibulongan ug mga ilhanan nga gihimo sa Dios pinaagi kaniya diha kaninyo, sumala sa inyo gayod nga nahibaloan.

Santiago 2:5

Paminaw, hinigugma nakong mga igsoon. Dili ba gipili man sa Dios ang mga kabos dinhi sa kalibotan aron mahimong dato sa pagtuo ug mga manununod sa gingharian nga iyang gisaad sa mga nahigugma kaniya?