Mateo 11:13

Ang Biblia 2011

Kay ang tanang mga Propeta ug ang Balaod nagpropesiya hangtod kang Juan

Cross References

Malaquias 4:6

Ug iyang ulion ang kasingkasing sa mga ginikanan ngadto sa mga anak, ug ang kasingkasing sa mga anak ngadto sa ilang mga ginikanan kay tingali unya ug ako moanhi ug hampakon nako ang yuta pinaagi sa usa ka tunglo.”

Mateo 11:12

Sukad sa mga adlaw ni Juan nga Tigbautismo hangtod karon, ang gingharian sa langit nahiagom sa kapintas ug ang mga mapintas milugos sa pag-angkon niini.

Mateo 11:14

ug kon buot kamong modawat niini, siya mao si Elias nga moabot.

Lucas 24:27

Ug sugod kang Moises ug sa tanang mga propeta, iyang gipasabot kanila ang mga butang sa tibuok nga kasulatan mahitungod sa iyang kaugalingon.

Lucas 24:44

Unya miingon siya kanila, “Kini mao ang akong mga pulong nga gisulti nako kaninyo sa kauban pa ako ninyo, nga ang tanang nasulat mahitungod kanako diha sa Balaod ni Moises ug sa mga Propeta ug sa mga Salmo kinahanglan gayod nga matuman.”

Mga Buhat 13:27

Kay ang mga nagpuyo sa Jerusalem ug ang ilang mga pangulo, tungod kay wala man sila makaila kaniya ug wala makasabot sa mga gisulti sa mga propeta nga gibasa matag adlaw nga igpapahulay, nagtuman niini pinaagi sa paghukom kaniya.

Roma 3:21

Apan karon ang pagkamatarong sa Dios gipadayag nga dili pinaagi sa Balaod, ug gipamatud-an kini sa Balaod ug sa mga Propeta,