Mateo 10:7

Ang Biblia 2011

Ug samtang manglakaw kamo, pagwali kamo nga mag-ingon, ‘Ang gingharian sa langit nagkaduol na.’

Cross References

Isaias 61:1

Ang Espiritu sa Ginoong Dios ania kanako, tungod kay gidihogan ako sa Ginoo aron sa pagdala sa maayong balita ngadto sa mga sinakit; ako gipaanhi niya aron sa pagbugkos sa mga nadugmok nga kasingkasing, aron sa pagmantala sa kagawasan sa mga binihag, ug sa pag-abli sa bilanggoan alang sa mga ginapos;

Mateo 10:8

Ayoha ninyo ang mga masakiton, banhawa ang mga patay, hinloi ang mga sanlahon, pagulaa ang mga demonyo. Nakadawat kamo nga walay bayad, panghatag nga walay bayad.

Mateo 11:1

Ug mao kadto nga sa pagkahuman ni Jesus ug pahimangno sa iyang napulo ug duha ka tinun-an, mibiya siya didto aron sa pagpanudlo ug pagwali didto sa ilang mga lungsod.

Mateo 21:31

Hain man niining duha ang nagtuman sa kabubut-on sa iyang amahan?” Sila miingon, “Ang nauna.” Ug si Jesus miingon kanila, “Sa pagkatinuod, sultihan ko kamo, ang mga tigpaningil ug buhis ug ang mga babayeng nagbaligya sa dungog mosulod sa gingharian sa Dios una pa kay kaninyo.

Mateo 21:43

Busa sultihan ko kamo nga ang gingharian sa Dios kuhaon gikan kaninyo ug ihatag ngadto sa usa ka nasod nga namunga sa mga bunga niini. [

Mateo 23:13

“Apan alaot kamong mga eskriba ug mga Pariseo, mga tigpakaaron-ingon! Kay gitakpan ninyo ang gingharian sa langit atubangan sa mga tawo, kay wala kamo mosulod ug wala usab motugot sa pagpasulod niadtong buot mosulod niini.

Mateo 3:2

“Paghinulsol kamo, kay ang gingharian sa langit nagkaduol na.”

Mateo 4:17

Sukad niadtong higayona si Jesus misugod sa pagwali nga nag-ingon, “Paghinulsol kamo kay ang gingharian sa langit duol na.”

Marcos 6:12

Busa nanglakaw sila ug nagwali nga kinahanglang maghinulsol ang mga tawo.

Lucas 16:16

“Ang Balaod ug ang mga Propeta hangtod lamang kang Juan, ug sukad niadtong panahona giwali ang Maayong Balita mahitungod sa gingharian sa Dios, ug ang tanang tawo nakigbisog sa pagsulod niini.

Lucas 9:2

Ug gipadala niya sila aron sa pagsangyaw sa gingharian sa Dios ug sa pagpang-ayo.

Lucas 9:6

Sa ilang pagbiya, milatas sila sa mga kabalangayan nga nagsangyaw sa Maayong Balita ug nang-ayo sa mga masakiton sa tanang dapit.

Lucas 9:60

Apan si Jesus miingon kaniya, “Pasagdi ang mga patay nga maoy maglubong sa ilang kaugalingong mga minatay. Apan ikaw, lakaw ug isangyaw ang gingharian sa Dios.”

Juan 3:2

Kini siya miadto kang Jesus sa gabii ug miingon kaniya, “Rabi, nasayod kami nga ikaw usa ka magtutudlo nga gikan sa Dios, kay wala gayoy makahimo niining mga milagro nga imong gihimo gawas lamang kon ang Dios anaa uban kaniya.”

Mga Buhat 10:25

Sa pagsulod ni Pedro, si Cornelio misugat kaniya ug mihapa sa iyang tiilan ug misimba kaniya.

Mga Buhat 28:31

Nagwali siya sa gingharian sa Dios ug nagtudlo sa mga butang mahitungod sa Ginoong Jesu-Cristo uban sa tanang kaisog ug walay misanta kaniya.

Mga Buhat 4:2

kay nasamok man sila tungod sa ilang pagpanudlo sa katawhan ug sa pagsangyaw diha kang Jesus sa pagkabanhaw gikan sa mga patay.