Mateo 10:21

Ang Biblia 2011

Ang igsoon magtugyan sa iyang igsoon ngadto sa kamatayon ug ang amahan sa iyang anak ug ang mga anak mosukol sa ilang mga ginikanan ug ipapatay sila.

Cross References

2 Samuel 16:11

Ug si David miingon kang Abisai ug sa tanan niyang mga sulugoon, “Tan-awa, ang akong kaugalingong anak nangita sa akong kinabuhi, unsa pa kaha karon kining kaliwat ni Benjamin? Pasagdi siya ug pasagdi nga siya magtunglo kay ang Ginoo nagsugo kaniya.

Job 19:19

Ang tanan nakong suod nga higala nasilag kanako, ug kadtong tanan nga akong gihigugma nakigbatok kanako.

Salmo 50:20

Naglingkod ikaw ug nagsulti batok sa imong igsoon; nagbutangbutang ikaw batok sa anak nga lalaki sa imong inahan.

Isaias 19:2

Hagiton nako ang mga Ehiptohanon batok sa mga Ehiptohanon, ug sila mag-away, ang matag tawo batok sa iyang igsoon, ug ang matag tawo batok sa iyang silingan, siyudad batok sa siyudad, gingharian batok sa gingharian;

Zacarias 13:3

Ug kon aduna pay motungha nga propeta, ang iyang amahan ug ang iyang inahan nga nanganak kaniya moingon kaniya, ‘Dili ikaw mabuhi kay ikaw nagsulti ug bakak diha sa ngalan sa Ginoo,’ ug ang iyang amahan ug ang iyang inahan nga nanganak kaniya modunggab kaniya sa diha nga magpropesiya siya.

Mateo 24:10

Ug daghan unya ang mapandol sa ilang pagsunod kanako ug magbudhiay ug magdumtanay ang usa ug usa.