Mateo 10:16

Ang Biblia 2011

“Tan-awa, ako nagpadala kaninyo ingon nga daw mga karnero taliwala sa mga lobo, busa pagmaalamon kamo sama sa mga bitin ug lumo sama sa mga salampati.

Cross References

Genesis 3:1

Karon, ang bitin labawng malinglahon kay sa tanang ihalas nga mananap nga gibuhat sa Ginoong Dios. Ug miingon siya sa babaye, “Nag-ingon ba ang Dios, ‘Dili kamo makakaon gikan sa bisan unsa nga kahoy sa tanaman’?”

Genesis 3:13

Ug ang Ginoong Dios miingon sa babaye, “Unsa man kining imong gibuhat?” Ug ang babaye miingon, “Ang bitin milingla kanako, ug mikaon ako.”

Nehemias 4:13

Busa diha sa kinaubsang dapit luyo sa paril, sa hawan nga dapit, akong gibutang ang katawhan sumala sa ilang mga panimalay uban sa ilang mga espada, sa ilang mga bangkaw ug sa ilang mga pana.

Jeremias 40:16

Apan si Gedalias nga anak ni Ahikam miingon kang Johanan nga anak ni Karea, “Ayaw buhata kining butanga kay nagsulti ikaw ug bakak mahitungod kang Ismael.”

Oseas 7:11

Ang Efraim sama sa usa ka salampati nga buangbuang ug walay salabotan; nagtawag sila sa Ehipto, miadto sa Asiria.

Mateo 24:25

Tan-awa, gisuginlan na nako kamong daan niini.

Mateo 24:45

“Kinsa ba ang kasaligan ug maalamon nga ulipon nga gitudlo sa iyang agalon sa pagdumala sa panimalay niini aron paghatag kanila sa ilang pagkaon sa hustong panahon?

Mateo 25:2

Ang lima kanila mga buangbuang ug ang lima mga maalamon.

Mateo 25:4

apan ang mga maalamon nagbalon ug lana sinulod sa laing sudlanan uban sa ilang mga lampara.

Mateo 25:9

Apan mitubag ang mga maalamon nga nag-ingon, ‘Basin ug dili kini paigo alang kanamo ug kaninyo, pangadto hinuon kamo sa mga namaligya ug pamalit kamo ug alang kaninyo.’

Lucas 10:3

Panglakaw kamo. Paadtoon ko kamo nga daw mga nating karnero taliwala sa mga lobo.

Lucas 21:15

kay ako maghatag ra unya kaninyo ug baba ug kaalam nga walay kaaway ninyo nga makasukol o makasupak.

Mga Buhat 20:29

Ako nahibalo nga sa akong pagbiya ang mga bangis nga mga lubo mosulod nganha kaninyo nga walay sayloan sa panon

1 Mga Taga-Corinto 14:20

Mga igsoon, ayaw kamo pagbinata sa inyong hunahuna, hinuon sa daotan pagpakabata kamo, apan sa hunahuna pagpakahamtong kamo.

2 Mga Taga-Corinto 1:12

Kay kini mao ang among pasigarbo: ang gipamatuod sa among tanlag mao nga diha sa kayano ug sa diosnong kamatinud-anon, dili diha sa kaalam nga unodnon kondili diha sa grasya sa Dios, nagkinabuhi kami dinhi sa kalibotan ug labaw pa gayod nganha kaninyo.

2 Mga Taga-Corinto 11:14

Ug kini dili angay ikahibulong, kay bisan gani si Satanas nagtakoban man sa iyang kaugalingon ingon nga anghel sa kahayag.

2 Mga Taga-Corinto 11:3

Apan nahadlok ako nga ingon nga ang bitin milimbong kang Eva pinaagi sa iyang pagkamalimbongon, ang inyong mga panghunahuna mahisalaag gikan sa inyong matinud-anon ug putli nga pag-alagad kang Cristo.

2 Mga Taga-Corinto 8:20

Kami naglikay aron walay mamasangil kanamo mahitungod niining dakong gasa nga among gidumala.

Mga Taga-Filipos 2:15

aron mahimo kamong putli ug dili masaway, mga anak sa Dios nga walay buling taliwala sa usa ka hiwi ug sukihan nga kaliwatan, nga sa taliwala nila kamo magsidlak ingon nga mga kahayag dinhi sa kalibotan,

Mga Taga-Colosas 1:9

Busa sukad sa adlaw sa among pagkadungog niini, wala kami mohunong sa pag-ampo alang kaninyo ug sa pagpangamuyo nga unta mapuno kamo sa kahibalo mahitungod sa iyang kabubut-on diha sa tanang espirituhanong kaalam ug pagpanabot,

Mga Taga-Colosas 4:5

Pagkinabuhi kamo nga maalamon ngadto sa mga anaa sa gawas, pahimusli ninyo ang panahon.

1 Mga Taga-Tesalonica 2:10

Mga saksi kamo, ug ang Dios usab, unsa ka balaanon ug matarong ug dili masaway ang among paggawi nganha kaninyo nga mga magtutuo.

1 Mga Taga-Tesalonica 5:22

likayi ang tanang matang sa daotan.