Mateo 10:10

Ang Biblia 2011

walay bag alang sa inyong panaw o ilisan nga kamisola o mga sandalyas o sungkod, kay ang mamumuo takos sa iyang pagkaon.

Cross References

Numeros 18:31

Ug kamo makakaon niini sa bisan diin nga dapit, kamo ug ang inyong panimalay, kay kini balos kaninyo sa inyong pag-alagad sa tolda nga tagboanan.

Mateo 10:11

Sa bisan unsang lungsod o balangay nga inyong adtoan, tan-awa kon kinsa ang takos, ug puyo kamo didto sa iyang balay hangtod sa inyong pagbiya.

Marcos 6:8

Gitugon niya sila sa dili pagdala ug bisan unsa alang sa ilang panaw, gawas sa sungkod, walay pan, walay bag, walay salapi sa ilang mga bakos,

Lucas 3:11

Siya mitubag kanila, “Kadtong adunay duha ka buok bisti, kinahanglang maghatag niadtong walay iya, ug siya nga adunay pagkaon, kinahanglang magbuhat sa sama niini.”

Lucas 9:3

Ug siya miingon kanila, “Ayaw kamo pagdala ug bisan unsa sa inyong paglakaw, bisan sungkod o bag o pan o salapi o bisan duha ka bisti.

2 Timoteo 4:13

Sa imong pag-ari, dad-a ang kupo nga akong gibilin kang Carpo didto sa Troas, ug ang mga basahon ilabi na ang mga sinulat sa panit.

1 Samuel 17:40

Unya gibitbit niya ang iyang sungkod, ug nagpili siya ug lima ka hamis nga bato gikan sa sapa, ug gibutang kini sa bag, sa sudlanan sa salapi sa tigbantay sa karnero nga diha kaniya, ug ang iyang lambuyog diha sa iyang kamot, ug nagpaduol sa Filistihanon.

1 Samuel 9:7

Unya si Saul miingon sa iyang sulugoon, “Apan kon mangadto kita, unsa may atong dad-on alang sa tawo? Kay ang pan nga ania sa atong mga sudlanan nahurot na, ug walay gasa nga atong madala ngadto sa tawo sa Dios. Unsa may ania kanato?”