Mateo 10:1

Ang Biblia 2011

Unya gipaduol ni Jesus kaniya ang iyang napulo ug duha ka tinun-an ug gihatagan niya sila ug kagahom sa pagpagula sa mga hugaw nga espiritu ug sa pag-ayo sa tanang sakit ug sa tanang balatian.

Cross References

Mateo 19:28

Si Jesus miingon kanila, “Sa pagkatinuod, sultihan ko kamo nga sa bag-ong kalibotan, sa diha nga ang Anak sa Tawo molingkod na sa iyang mahimayaong trono, kamo nga nagsunod kanako molingkod usab sa napulo ug duha ka trono ug inyong hukman ang napulo ug duha ka banay sa Israel.

Mateo 26:20

Sa pagkilomkilom na, siya mitambong sa kan-anan uban sa napulo ug duha ka tinun-an.

Mateo 26:47

Samtang nagsulti pa siya, miabot si Judas, usa sa napulo ug duha, uban sa usa ka dakong panon sa katawhan nga sangkap sa mga espada ug mga puspos. Sila gikan sa mga pangulong pari ug sa mga kadagkoan sa katawhan.

Mateo 4:23

Milibot si Jesus sa tibuok Galilea ug nagtudlo sulod sa ilang mga sinagoga ug nagwali sa Maayong Balita mahitungod sa gingharian ug nag-ayo sa tanang balatian ug tanang sakit sa katawhan.

Mateo 6:13

ug ayaw kami itugyan sa pagsulay kondili luwasa kami gikan sa daotan.

Mateo 9:35

Ug si Jesus milibot sa tanang mga lungsod ug mga balangay, nagtudlo sulod sa ilang mga sinagoga ug nagwali sa Maayong Balita mahitungod sa gingharian ug nag-ayo sa tanang mga sakit ug balatian.

Mateo 9:38

Busa pag-ampo kamo sa Ginoo sa anihonon nga magpadala unta siya ug mga mamumuo ngadto sa iyang anihon.”

Lucas 10:19

Tan-awa, gihatagan ko kamo ug kagahom sa pagyatak sa mga bitin ug mga tanga ug ibabaw sa tanang gahom sa kaaway, ug walay makadaot kaninyo.

Lucas 21:15

kay ako maghatag ra unya kaninyo ug baba ug kaalam nga walay kaaway ninyo nga makasukol o makasupak.

Lucas 24:49

Ug tan-awa, ipadala nako ang saad sa akong Amahan kaninyo, apan pabilin kamo sa siyudad hangtod nga masul-oban na kamo ug gahom gikan sa kahitas-an.”

Lucas 6:13

Ug sa pagkaadlawan na, gitawag niya ang iyang mga tinun-an ug nagpili gikan kanila ug napulo ug duha nga iyang ginganlan ug mga apostoles:

Juan 17:2

kay gihatagan man nimo siya ug kagahom ibabaw sa tanang katawhan aron sa paghatag ug kinabuhing dayon ngadto sa tanan nga imong gikatugyan kaniya.

Juan 3:27

Si Juan mitubag, “Walay tawo nga makadawat ug bisan unsa gawas sa ihatag kaniya gikan sa langit.

Juan 3:35

Gihigugma sa Amahan ang Anak ug ang tanang mga butang gitugyan niya ngadto sa iyang kamot.

Juan 6:70

Si Jesus mitubag kanila, “Dili ba gipili man kamo nako, ang napulo ug duha ug ang usa kaninyo yawa?”

Mga Buhat 1:8

Apan makadawat kamo ug gahom sa diha nga mokunsad na kaninyo ang Espiritu Santo ug kamo mao unya ang akong mga saksi sa Jerusalem ug sa tibuok Judea ug Samaria ug hangtod sa kinatumyan sa kalibotan.”

Mga Buhat 19:15

Apan ang espiritu nga daotan miingon, “Kang Jesus nakaila ako ug kang Pablo nahibalo ako, apan kinsa man kamo?”

Gipadayag 12:1

Ug sa kalangitan dihay nagpakita nga usa ka dakong tilimad-on, usa ka babaye nga nagsul-ob ug adlaw. Ang bulan diha ubos sa iyang mga tiil, ug sa iyang ulo dihay usa ka korona nga mga bituon nga napulo ug duha ka buok.