Mateo 1:2

Ang Biblia 2011

Si Abraham mao ang amahan ni Isaac, ug si Isaac ang amahan ni Jacob, ug si Jacob ang amahan nila ni Juda ug sa iyang mga igsoong lalaki,

Cross References

Genesis 25:19

Kini mao ang mga kaliwat ni Isaac nga anak ni Abraham. Si Abraham mao ang amahan ni Isaac.

Genesis 25:26

Human niini migula ang iyang igsoon nga lalaki, ug ang iyang kamot mikupot sa tikod ni Esau ug gitawag nila ang iyang ngalan ug Jacob. Ug si Isaac nagpanuigon ug 60 ka tuig sa dihang gipanganak na kini sila.

1 Cronicas 1:28

Ang mga anak nga lalaki ni Abraham mao si Isaac ug si Ismael.

1 Cronicas 1:34

Si Abraham mao ang amahan ni Isaac. Ang mga anak nga lalaki ni Isaac: si Esau ug si Israel.

Isaias 41:8

Apan ikaw, Israel, akong sulugoon, si Jacob nga akong gipili, ang kaliwat ni Abraham nga akong higala;

Isaias 51:2

Tan-aw kamo kang Abraham nga inyong amahan, ug kang Sara nga nanganak kaninyo; kay sa siya pa lamang usa gitawag nako siya, ug gipanalanginan nako siya, ug gipadaghan.

Numeros 1:26

Sa mga kaliwat ni Juda, sa ilang mga kaliwatan sumala sa ilang mga panimalay, sumala sa mga banay sa ilang katigulangan, sumala sa gidaghanon sa mga ngalan, sa mga nagpanuigon ug 20 ug pataas, ang tanan nga makahimo sa pag-adto sa panggubatan:

Mateo 1:1

Ang listahan sa kagikan ni Jesu-Cristo, kaliwat ni David nga kaliwat ni Abraham.

Mateo 1:3

ug si Juda ang amahan nila ni Peres ug ni Zera kang Tamar, ug si Peres ang amahan ni Esrom, ug si Esrom ang amahan ni Aram,

Mga Buhat 7:8

Busa gihatag sa Dios kaniya ang kasabotan mahitungod sa pagtuli. Ug si Abraham nahimong amahan kang Isaac, ug kini iyang gituli sa ikawalo nga adlaw; ug si Isaac nahimong amahan kang Jacob ug si Jacob sa napulo ug duha ka patriarka.

Mga Hebreo 11:11

Tungod sa pagtuo si Sara gayod nakadawat usab ug gahom sa pagsamkon, bisan tuod siya lapas na sa panuigon, kay iya mang giisip nga kasaligan kadtong naghimo sa saad.

Mga Hebreo 7:14

Kay tin-aw man kaayo nga ang atong Ginoo natawo gikan kang Juda ug mahitungod niining banaya si Moises wala maghisgot ug pagkapari.

Gipadayag 7:5

napulo ug duha ka libo ang gipatikan sa banay ni Juda, napulo ug duha ka libo sa banay ni Ruben, napulo ug duha ka libo sa banay ni Gad,