Mateo 1:18

Ang Biblia 2011

Ug ang pagkatawo ni Jesu-Cristo nahitabo sa ingon niini: Sa diha nga ang iyang inahan nga si Maria kaslonon pa kang Jose, sa wala pa sila mag-ipon, nakaplagan siya nga nagsamkon pinaagi sa Espiritu Santo.

Cross References

Genesis 3:15

Ug ibutang nako ang panag-away tali kanimo ug sa babaye ug tali sa imong kaliwat ug sa iyang kaliwat; siya magsamad sa imong ulo, ug ikaw magsamad sa iyang tikod.”

Job 14:4

Kinsa ang makadala ug usa ka hinlo nga butang gikan sa hugaw? Walay bisan usa.

Job 15:14

Unsa ba ang tawo nga mahimo siyang hinlo? O siya nga gipanganak sa babaye nga mahimo siyang matarong?

Mateo 1:1

Ang listahan sa kagikan ni Jesu-Cristo, kaliwat ni David nga kaliwat ni Abraham.

Mateo 12:46

Samtang nagsulti pa siya sa katawhan, ang iyang inahan ug ang iyang mga igsoong lalaki nagtindog didto sa gawas, buot makigsulti kaniya. [

Mateo 2:11

Sa pagsulod na nila sa balay, ilang nakita ang bata uban kang Maria nga iyang inahan, ug sila miluhod ug misimba sa bata. Ug sa naukban na nila ang ilang mga bahandi, ilang gihalaran siya ug mga gasa: bulawan ug insenso ug mira.

Lucas 1:25

“Mao kini ang gibuhat sa Ginoo kanako sa mga adlaw sa iyang pagtabang kanako aron sa pagkuha sa akong pagkatinamay taliwala sa mga tawo.”

Lucas 2:5

aron sa pagpalista uban kang Maria nga iyang pangasaw-onon nga nagsabak.

Deuteronomio 22:23

“Kon adunay batan-ong babaye nga ulay nga kaslonon ug ang usa ka lalaki makakita kaniya sa lungsod ug makighilawas kaniya,

Mga Hebreo 10:5

Tungod niana, sa pag-anhi ni Cristo sa kalibotan, siya miingon, “Ang mga halad nga inihaw ug mga gasa wala nimo tinguhaa, apan usa ka lawas ang imong gitagana alang kanako;

Mga Hebreo 7:26

Kay angay alang kanato ang maong labawng pangulong pari, balaan, walay sala, walay lama, linain gikan sa mga makasasala, tinuboy ngadto sa kahitas-an labaw pa sa kalangitan.