Mateo 1:12

Ang Biblia 2011

Ug tapos mabihag ngadto sa Babilonia: si Jeconias mao ang amahan ni Selatiel, ug si Selatiel ang amahan ni Zerubabel,

Cross References

2 Mga Hari 24:14

Gibihag niya ang tibuok Jerusalem ug ang tanan nga mga pangulo ug ang tanan nga mga bantogan ug isog nga mga tawo, napulo ka libo ka binihag, ug ang tanan nga mga batid sa buluhaton ug ang mga platero. Walay nahibilin gawas niadtong labing kabos nga mga tawo sa yuta.

2 Mga Hari 25:27

Sa ika-37 nga tuig sa pagkabihag ni Jehoiakin nga hari sa Juda, sa ikanapulo ug duha nga bulan, sa ikakawhaan ug pito nga adlaw sa bulan, si Ebil-merodac nga hari sa Babilonia, sa tuig nga siya nagsugod sa paghari, mibuhi kang Jehoiakin nga hari sa Juda gikan sa bilanggoan.

1 Cronicas 3:17

Ang mga anak nga lalaki ni Jeconias nga binihag: si Sealtiel nga iyang anak,

Esdras 3:2

Unya mitindog si Jesua nga anak ni Josadak ug ang iyang kaubang mga pari ug si Zerubabel nga anak ni Sealtiel ingon man ang iyang mga kadugo, ug ilang gitukod ang halaran sa Dios sa Israel, aron halaran kini ug mga halad nga sunogon ingon nga nasulat kini diha sa Balaod ni Moises, ang tawo sa Dios.

Esdras 5:2

Unya mibarog si Zerubabel nga anak ni Sealtiel ug si Jesua nga anak ni Josadak, ug gisugdan ang pagtukod sa balay sa Dios nga didto sa Jerusalem ug uban kanila ang mga propeta sa Dios nga mitabang kanila.

Nehemias 12:1

Kini sila mao ang mga pari ug ang mga Levihanon nga mitungas uban kang Zerubabel nga anak ni Sealtiel ug Jesua: si Seraias, si Jeremias, si Ezra,

Jeremias 22:24

“Ingon nga ako buhi, nag-ingon ang Ginoo, bisan ug si Conias nga anak ni Jehoiakim nga hari sa Juda maoy singsing nga timaan nga ania sa akong tuong kamot, husloon ko ikaw;

Jeremias 22:28

Kining tawhana nga si Conias usa ba ka tinamay nga nabuak nga sudlanan, usa ba ka sudlanan nga walay nagtagad? Ngano man nga gihinginlan siya ug ang iyang mga anak, ug gisalibay ngadto sa yuta nga wala nila mailhi?

Jeremias 22:30

Mao kini ang giingon sa Ginoo: “Isulat kining tawhana ingon nga walay anak, usa ka tawo nga dili mouswag sa iyang mga adlaw; kay walay usa sa iyang kaliwat nga mouswag diha sa paglingkod sa trono ni David, ug sa pagmando pag-usab diha sa Juda.”

Jeremias 27:20

nga wala kuhaa ni Nabucodonosor nga hari sa Babilonia, sa diha nga iyang gidala nga binihag si Jeconias nga anak ni Jehoiakim, ang hari sa Juda ug ang tanang mga inila sa Juda ug sa Jerusalem, gikan sa Jerusalem ngadto sa Babilonia.

Hageo 1:1

Sa ikaduhang tuig ni Hari Dario, sa ikaunom nga bulan, sa unang adlaw sa bulan, ang pulong sa Ginoo midangat pinaagi kang Hageo nga propeta ngadto kang Zerubabel nga anak ni Sealtiel, ang gobernador sa Juda, ug kang Josue nga anak ni Jehosadak, ang labawng pangulong pari.

Hageo 1:12

Unya si Zerubabel nga anak ni Sealtiel ug si Josue nga anak ni Jehosadak, ang labawng pangulong pari, uban ang tanang nahibilin sa katawhan, mituman sa tingog sa Ginoo nga ilang Dios, ug sa pulong ni Hageo nga propeta ingon nga ang Ginoo nga ilang Dios nagpadala kaniya, ug ang katawhan nangahadlok diha sa atubangan sa Ginoo.

Hageo 1:14

Ug giagda sa Ginoo ang espiritu ni Zerubabel nga anak ni Sealtiel, ang gobernador sa Juda, ug ang espiritu ni Josue nga anak ni Jehosadak, ang labawng pangulong pari, ug ang espiritu sa tanang nahibilin sa katawhan, ug sila miadto ug mibuhat diha sa balay sa Ginoo sa mga panon nga ilang Dios,

Hageo 2:2

“Sultihi karon si Zerubabel nga anak ni Sealtiel, ang gobernador sa Juda, ug si Josue nga anak ni Jehosadak, ang labawng pangulong pari ug ang tanang nahibilin sa katawhan ug ingna,

Hageo 2:23

Nianang adlawa, nag-ingon ang Ginoo sa mga panon, kuhaon ko ikaw, O Zerubabel nga akong alagad, anak ni Sealtiel, nag-ingon ang Ginoo, ug himoon ko ikaw nga sama sa usa ka singsing nga igpapatik, kay gipili ko ikaw, nag-ingon ang Ginoo sa mga panon.”

Mateo 1:11

ug si Josias ang amahan nila ni Jeconias ug sa iyang mga igsoong lalaki, sa panahon sa pagkabihag ngadto sa Babilonia.

Mateo 1:13

ug si Zerubabel ang amahan ni Abiud, ug si Abiud ang amahan ni Eliakim, ug si Eliakim ang amahan ni Azor,

Mateo 1:17

Busa ang tanang kaliwatan sukad kang Abraham hangtod kang David napulo ug upat ka kaliwatan ug sukad kang David hangtod sa pagkabihag ngadto sa Babilonia, napulo ug upat ka kaliwatan, ug sukad sa pagkabihag ngadto sa Babilonia hangtod kang Cristo, napulo ug upat ka kaliwatan.

Lucas 3:27

nga anak ni Joanan, nga anak ni Resa, nga anak ni Zerubabel, nga anak ni Sealtiel, nga anak ni Neri,