Marcos 10:1

Ang Biblia 2011

Si Jesus mibiya didto ug miadto sa kayutaan sa Judea ug sa tabok sa Jordan, ug didto gipundokan na usab siya sa mga panon sa katawhan ug ingon sa iyang nabatasan, gitudloan na usab niya sila.

Cross References

Juan 10:40

Ug siya miadto na usab sa tabok sa Jordan sa dapit diin didto si Juan namautismo sa sinugdan ug nagpabilin siya didto.

Marcos 4:2

Gitudloan niya sila sa daghang mga butang pinaagi ug mga sambingay, ug sa iyang pagpanudlo siya miingon kanila,

Juan 11:7

Human niini siya miingon sa iyang mga tinun-an, “Mangadto kita pag-usab sa Judea.”

Marcos 6:34

Sa pagkawas ni Jesus, nakita niya ang usa ka dakong panon sa mga tawo ug siya naluoy kanila kay sila sama man sa mga karnero nga walay tigbantay, ug siya misugod sa pagtudlo kanila ug daghang mga butang.

Mateo 4:23

Milibot si Jesus sa tibuok Galilea ug nagtudlo sulod sa ilang mga sinagoga ug nagwali sa Maayong Balita mahitungod sa gingharian ug nag-ayo sa tanang balatian ug tanang sakit sa katawhan.

Jeremias 32:33

Ilang gipaatubang kanako ang ilang likod ug dili ang ilang nawong, ug bisan kon nagpadayon ako sa pagtudlo kanila, wala sila mamati aron sa pagdawat sa pahimangno.

Juan 18:20

Si Jesus mitubag kaniya, “Nagsulti ako sa dayag ngadto sa kalibotan. Kanunay akong nagtudlo sulod sa mga sinagoga ug sa Templo diin adto magtigoman ang tanang mga Judio. Wala akoy gisulti sa tago.

Marcos 6:6

Ug nahibulong siya tungod sa ilang pagkawalay pagtuo. Ug miadto siya libot sa mga kabalangayan ug nanudlo.

Marcos 2:13

Si Jesus miadto na usab sa baybayon ug ang tibuok panon sa katawhan miduol kaniya ug gitudloan niya sila.

Ecclesiastes 12:9

Gawas sa pagkamaalamon, ang Magwawali nagtudlo usab sa katawhan ug kahibalo, nagsusi ug nagtuon ug naghan-ay sa mga panultihon nga maampingon.

Mateo 26:55

Ug niadtong tungora si Jesus miingon sa panon sa katawhan, “Nanganhi ba kamo nga daw batok ug usa ka tulisan, nga magdala man kamo ug mga espada ug mga puspos? Adlaw adlaw akong maglingkod didto sa Templo nga nagtudlo ug wala ninyo ako dakpa didto.

Marcos 1:21

Unya nangadto sila sa Capernaum ug dihadiha sa adlaw nga igpapahulay misulod siya sa sinagoga ug nagtudlo.

Marcos 6:2

Ug sa pag-abot sa adlaw nga igpapahulay, siya misugod sa pagpanudlo sulod sa sinagoga. Daghan ang nakadungog kaniya ug nahibulong nga nag-ingon, “Diin ba niya kuhaa kining mga butanga? Ug unsa bang kaalama ang gihatag kaniya, ug ang mga milagro nga nahimo pinaagi sa iyang mga kamot?

Marcos 10:2

Unya dihay mga Pariseo nga miduol kaniya, ug aron sa pagsulay kaniya nangutana sila kaniya, “Uyon ba sa balaod alang sa usa ka lalaki ang pagbulag sa iyang asawa?”

Marcos 12:35

Samtang nagtudlo si Jesus sa sulod sa Templo, siya miingon, “Unsaon ba sa mga eskriba sa pag-ingon nga si Cristo anak ni David?

Marcos 14:49

Matag adlaw uban ako kaninyo didto sa Templo, nanudlo ako didto ug wala hinuon ninyo ako dakpa. Apan kinahanglan nga matuman ang kasulatan.”