Lucas 9:39

Ang Biblia 2011

Ug usa ka espiritu miataki kaniya, ug sa kalit misiyagit ug gipalimbaglimbag siya hangtod nga nagbula ang iyang baba ug gibun-og siya ug daw dili kini mobiya kaniya.

Cross References

Marcos 9:18

Ug bisan asa gani kini moataki kaniya idakdak siya niini, unya mobula ang iyang baba ug mokagot ang iyang mga ngipon ug motuskig siya. Busa gihangyo nako ang imong mga tinun-an sa paghingilin unta niini, apan wala sila makahimo.”

Marcos 9:20

Ug gidala nila ang bata ngadto kaniya, ug sa diha nga ang espiritu nakakita kang Jesus, dihadiha gipakurog niya pag-ayo ang bata, ug kini natumba sa yuta ug nagligidligid nga nagbula ang baba.

Marcos 9:26

Human sa kusog nga pagsiyagit ug sa pagpalimbaglimbag pag-ayo sa bata, ang espiritu migula kaniya, ug ang bata daw patay nga tungod niana ang kadaghanan kanila miingon, “Patay na siya.”

Lucas 4:35

Apan gibadlong siya ni Jesus nga nag-ingon, “Hilom ug gula gikan kaniya!” Sa diha nga ang tawo gilamba sa yawa diha sa ilang taliwala, migula siya gikan sa tawo nga wala makahimo kaniya ug kadaot.

Lucas 8:29

Kay gisugo man ni Jesus ang hugawng espiritu sa paggula gikan sa tawo. (Kay sa daghang panahon siya giataki niini; siya binantayan ug gigapos sa kadena ug giposasan apan iyang gibugto ang mga gapos, ug siya giabog sa demonyo ngadto sa kamingawan.)

Lucas 9:38

Ug dihay usa ka tawo gikan sa panon nga misinggit, “Magtutudlo, naghangyo ako kanimo nga imo untang tan-awon ang akong anak nga lalaki, kay siya bugtong nakong anak.

Lucas 9:40

Ug ako mihangyo sa imong mga tinun-an sa pagpagula unta niini, apan wala sila makahimo.”

Juan 8:44

Kamo gikan sa inyong amahan nga mao ang yawa ug nagtinguha kamo sa pagbuhat sa kabubut-on sa inyong amahan. Siya mamumuno gayod sukad pa sa sinugdan, ug walay labot sa kamatuoran kay ang kamatuoran wala man diha kaniya. Sa dihang mamakak siya, magsulti siya tukma sa iyang kaugalingong kinaiya kay siya bakakon man ug amahan sa mga bakak.

1 Pedro 5:8

Pagmaigmat, pagbantay kanunay. Ang inyong kaaway nga mao ang yawa naglibotlibot sama sa liyon nga nagngulob ug nangita ug iyang matukob.

Gipadayag 9:11

Ug aduna silay hari nga mao ang anghel sa kahiladman; ang iyang ngalan sa pinulongang Hebreo mao si Abadon, ug sa pinulongang Grego siya ginganlan ug Apolion.