Lucas 9:38

Ang Biblia 2011

Ug dihay usa ka tawo gikan sa panon nga misinggit, “Magtutudlo, naghangyo ako kanimo nga imo untang tan-awon ang akong anak nga lalaki, kay siya bugtong nakong anak.

Cross References

Genesis 44:20

Ug kami miingon sa akong agalon, ‘Kami adunay amahan nga tigulang ug usa ka batan-on nga igsoon nga natawo kaniya sa iyang pagkatigulang, ug ang iyang usa ka igsoon nga lalaki patay na, ug ang bata na lamang ang nahibilin nga anak sa iyang inahan, ug ang iyang amahan nagpangga kaniya.’

Zacarias 12:10

“Ug ibubo nako ibabaw sa balay ni David ug sa mga nagpuyo sa Jerusalem ang espiritu sa kaluoy ug sa pagpangamuyo, aron nga sa dihang motan-aw sila kaniya nga ilang giduslak, sila magsubo tungod kaniya, sama sa magsubo tungod sa bugtong niyang anak ug maghilak pag-ayo tungod kaniya, sama sa maghilak tungod sa iyang panganay nga anak.

Mateo 15:22

Unya dihay usa ka babayeng Canaanhon nga tagadidto nga miduol ug misinggit nga nag-ingon, “Ginoo, Anak ni David, kaluy-i intawon ako! Ang akong anak nga babaye gidemonyohan pag-ayo.”

Lucas 7:12

Ug sa nagkaduol na siya sa ganghaan sa lungsod, dihay minatay nga giyayongan paingon sa gawas, bugtong anak nga lalaki sa iyang inahan nga biyuda. Usa ka dakong panon sa katawhan gikan sa lungsod mikuyog sa biyuda.

Lucas 9:37

Sa pagkasunod adlaw, sa nakalugsong na sila gikan sa bukid, usa ka dakong panon ang misugat kaniya.

Lucas 9:39

Ug usa ka espiritu miataki kaniya, ug sa kalit misiyagit ug gipalimbaglimbag siya hangtod nga nagbula ang iyang baba ug gibun-og siya ug daw dili kini mobiya kaniya.

Juan 4:47

Sa iyang pagkadungog nga si Jesus miabot sa Galilea gikan sa Judea, siya miadto ug nagpakiluoy kaniya nga unta iyang adtoon ug ayohon ang anak niya kay kini nag-ungaw na sa kamatayon.