Lucas 9:32

Ang Biblia 2011

Unya si Pedro ug ang iyang mga kauban nga nagduka pag-ayo, apan kay wala man sila matulog, nakita nila ang iyang himaya ug ang duha ka tawo nga nagtindog uban kaniya.

Cross References

Isaias 60:19

Ang adlaw dili na mao ang imong kahayag panahon sa adlaw, o ingon nga kahayag modan-ag ang bulan kanimo sa gabii; apan ang Ginoo mao ang imong kahayag nga walay kataposan, ug ang imong Dios mao ang imong himaya.

Daniel 10:9

Unya nadungog nako ang tingog sa iyang mga pulong ug sa pagkadungog nako sa tingog sa iyang mga pulong, nahinanok ako sa lalom nga pagkatulog nga ang akong nawong nagduko ngadto sa yuta.

Daniel 8:18

Samtang nagsulti siya kanako, ako nahinanok sa lalom nga pagkatulog nga ang akong nawong nag-ubo sa yuta apan gihikap niya ako ug gipatindog.

Marcos 14:40

Unya mibalik na usab siya ug nakita niya sila nga nangatulog kay bug-at man kaayo ang ilang mga mata, ug wala sila mahibalo kon unsay ilang itubag kaniya.

Juan 1:14

Ug ang Pulong nahimong tawo ug mipuyo uban kanato ug atong nakita ang iyang himaya, ang himaya nga iyang nadawat gikan sa Amahan ingon nga bugtong Anak, puno sa grasya ug kamatuoran.

Juan 17:24

Amahan, buot unta nako nga kon asa ako atua usab uban kanako sila nga imong gitugyan kanako, aron makakita sila sa akong himaya nga imong gihatag kanako tungod kay nahigugma man ikaw kanako bisan sa wala pa buhata ang kalibotan.

2 Pedro 1:16

Kay wala kami magsubay sa tinumotumong mga sugilanon sa among pagpahibalo kaninyo sa gahom ug pag-anhi sa atong Ginoong Jesu-Cristo, apan kami nakasaksi gayod sa iyang pagkahalangdon.

1 Juan 3:2

Mga hinigugma, kita karon mga anak sa Dios, kon maunsa unya kita, kini wala pa ipadayag, apan kita nasayod nga sa dihang ipadayag na siya, kita mahisama kaniya kay makita man unya nato siya sa iyang pagkamao.