Lucas 9:28

Ang Biblia 2011

Mga walo ka adlaw human niining mga pulonga, gidala ni Jesus uban kaniya sila si Pedro, si Juan ug si Santiago, ug mitungas sa bukid aron mag-ampo.

Cross References

Salmo 109:4

Tugbang sa akong gugma nakigbatok sila kanako, bisan ug ako nag-ampo alang kanila.

Mateo 14:23

Ug sa napagikan na niya ang mga panon sa katawhan, nag-inusara siya pagtungas sa bungtod aron sa pag-ampo. Ug sa pagkagabii na, siya rang usa didto.

Mateo 5:1

Sa pagkakita niya sa mga panon sa katawhan, mitungas siya sa bungtod, ug sa nakalingkod na siya, ang iyang mga tinun-an miduol kaniya.

Marcos 1:35

Unya sayo sa kaadlawon samtang ngitngit pa, si Jesus mibangon ug miadto sa usa ka dapit nga mingaw, ug didto nag-ampo siya.

Marcos 6:46

Ug sa nakapanamilit na siya kanila, miadto siya sa bungtod aron mag-ampo.

Lucas 3:21

Sa dihang nabautismohan na ang tanang tawo, ug sa diha nga si Jesus usab nabautismohan na ug samtang nag-ampo, ang langit naabli,

Lucas 5:16

Apan siya mipalayo ngadto sa kamingawan ug nag-ampo.

Lucas 6:12

Unya niadtong mga adlawa, si Jesus miadto sa bungtod aron sa pag-ampo, ug sa tibuok gabii siya nagpadayon sa pag-ampo ngadto sa Dios.

Lucas 8:51

Ug sa pag-abot niya sa balay, wala siyay gitugotan sa pagsulod uban kaniya gawas kang Pedro, kang Juan, kang Santiago ug sa amahan ug inahan sa bata.

Lucas 9:18

Sa diha nga nag-ampo siya nga nag-inusara, ang iyang mga tinun-an didto uban kaniya. Siya nangutana kanila, “Sumala sa sulti sa mga tawo, kinsa man ako?”

Juan 6:3

Unya si Jesus mitungas sa bungtod ug didto milingkod siya uban sa iyang mga tinun-an.

2 Mga Taga-Corinto 13:1

Kini karon ang ikatulong higayon nga ako moanha kaninyo. Ang bisan unsa nga sumbong kinahanglang paluyohan sa pamatuod sa duha o tulo ka mga saksi.

Mga Hebreo 5:7

Sa mga adlaw sa tawhanon niyang kinabuhi, nag-ampo ug nangamuyo siya uban sa kusog nga mga singgit ug hilak ngadto sa makahimo sa pagluwas kaniya gikan sa kamatayon ug siya gidungog tungod sa iyang diosnong kahadlok.

2 Pedro 1:16

Kay wala kami magsubay sa tinumotumong mga sugilanon sa among pagpahibalo kaninyo sa gahom ug pag-anhi sa atong Ginoong Jesu-Cristo, apan kami nakasaksi gayod sa iyang pagkahalangdon.